بارودۆخی سیاسیی کوردستان هێندە نالەبار و بێزەوەر بووە نەک هەر دەرفەت نادەن کەسانی مرۆڤپەروەر و ئازادییخواز دەنگهەڵبڕن بەڵکە کۆمەڵە مشەخۆرەکی نێو دەزگەی ''رووداو''ی سیخوڕکار بوونەتە وتەبێژ و قسەکەری میللەت و رۆژانە لە گەندەڵیی دەدوێن و دەبێژن پەرلەمان و حکومەت تەنیا دوو ناوی بێ ناوەرۆکن.. هاوکات دەیانەوێ پێداویستییەکانی خانەوادەی شەهیدان و بریندارەکان بە دەرۆزە پەیدا بکەن، کەچی خۆیان لەوە گێل دەکەن ئەگەر کوردستان پەرلەمان و حکومەتەکی کارای هەبی دەبی یەکەمین کاری ئەوە بی کە دەزگەی ''رووداو'' هەڵبوەشێنتەوە چونکە بە دەیان ملیۆن دۆلار لە پارەی بودجە و مووچەی میللەت لە خزمەتی میتی تورکیا و ستایشکردنی بارازانی - کە ٢٣ ساڵە وەک دیکتاتۆرەک سەرۆکە - بەفیڕۆ دەدەن و خانەوادەی شەهیدان و بریندارانیش لەو ژیانە پڕ لە ئازار و دەردەسەرییە دان و میللەتیش بە گشتیی هەر لە نێو ژیانی بێ مووچەیی و مافیایی حیزبەکان دەناڵێنی.