٢٠\٧\٢٠٢٤

    سێبەری تەنیاییمان.

دڵکەش قادر

وتم
من هەر هەمووتم ئەی فریادڕەس.
وتت: هێڵێکم تا سەر ستیانی حەزت
لە گەڕانەوەمدا

            هەموو شوێنێکت دەدزم
   تا لە هەموو جێیەکت
   لە هەموو هەناسەکت
                   خونچەیەک بم.
وتم:
ئەی جەلاد لە هەموو شتێکی یەکدی

                  هاوئەندێشەین.
وتت:
ژوورێکی چۆڵم

    بە خاڵێکت ئاوەدان دەبمەوە و

          نێوانی سێو داگیردەکەم.
هێزی ئێمە هەر هێندەیە
         کە چەقۆیەک بخەینەسەر

              سێبەری تەنیاییمان.

سلێمانی
ماڵپه‌ڕی دڵکەش قادر