په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

سه‌ت خۆزگه‌م به‌ مه‌له‌كییه‌ت.

   

عه‌لی مه‌حموود محه‌مه‌د

 

هاوڕێیه‌كم  13ساڵ حیمایه‌ی سه‌رۆكێكی‌ فول ده‌سه‌ڵاتدار بووه‌ له‌م كوردستانه‌ نازداره‌، گۆتی وازم هێنا، وتم لۆ بابی بابم چه‌وراییه‌كه‌ له‌ئێستایه‌، گۆتی ئاخر ئه‌وانه‌ له‌گه‌ڵ نیزامی  مه‌له‌كی جیاوازییان نییه‌، گۆتم  بابی بابم ئه‌و مسته‌له‌حه‌ شیوعیانه‌ییه‌، مۆدێلی نه‌مایه‌  ده‌بێت مۆدێرن بیت خۆ تۆ قه‌ت له‌بنه‌ماڵه‌كه‌شتان شیوعییه‌ك هه‌ڵنه‌كه‌وتییه‌. گۆتم كاكه‌ ئێمه‌ له‌وڵاتێكی مه‌له‌كیدا ده‌ژێین كه‌ ناوی هۆڵه‌ندایه‌، وتی وایه‌، وتم مه‌لیكه‌ ته‌نها جار جاره‌ ئیمزایه‌ك ده‌كات‌و له‌ كاتی رابواردنی راگه‌یاندنه‌كان ده‌رده‌كه‌ون ئاو بێنه‌‌و ده‌ستبشۆ، وتی وایه‌ گۆتم له‌ كوردستان، سه‌رۆك هه‌ر خۆیانن، سه‌ره‌ك وه‌زیران هه‌رخۆیانن، مه‌كته‌ب سیاسی هه‌ر خۆیانن، نوێنه‌ری حكومه‌ت له‌ وڵاته‌ موهیمه‌كان هه‌ر خۆیانن، پاراستن‌و دژه‌ تیرۆر‌و كۆمپانیا‌و دار‌و به‌رد و ته‌نده‌رو نه‌وت‌و گاز و جه‌وت‌و ترش‌و كنگرو ساوه‌ر و تۆڵه‌كه‌ هه‌ر خۆیانن، كه‌واته‌ برام خۆزگه‌م به‌ مه‌له‌كیه‌ت، وتی وه‌ڵا راسته‌ ده‌كه‌یت سه‌ده‌قتو.. درێژه‌ی پێداو وتی وه‌ڵا  حیزب دروست  بكه‌یت  شه‌رتی  خوابێت  دوات ده‌كه‌وم،  مادام  عه‌قلت هێنده‌ بڕده‌كات‌و زیره‌ك‌و سیاسیت، وتم  وه‌ڵا باشه‌ چاڵی باشم بۆ هه‌ڵه‌كه‌نیت، به‌ نیازی  وه‌ك سكرتێره‌كانم  لێبکه‌یت. یاخوا برام  دوژمنیشم له‌كوردستان سكرتێر نه‌بێت، ئه‌وه‌ی بڕه‌ك عه‌قلی هه‌بێت تا زووه‌ كورسییه‌كه‌  توڕه‌دات، مه‌گه‌ر نازانیت‌و نه‌تبیستووه‌ ئێستا وه‌رزی ده‌ركردنی سكرتیره‌كانه‌ له‌ كوردستان، توخوا گه‌لۆ له‌سه‌ربه‌رماڵ هه‌موو به‌كۆرس دوعا بكه‌ن‌و بڵێن خوایه‌ به‌ده‌ردی سكرتێرانمان نه‌به‌یت، وازی نه‌هێناو درێژه‌ی پێدا‌و وتیئه‌دی باشه‌ لۆ لیستێك ته‌قدیم ناكه‌یت گۆتم بابی بابم  له‌م هۆڵه‌ندایه‌ دوو ساڵی ره‌به‌ق مانگانه‌كه‌م ده‌ستی لێنه‌ده‌م، ته‌نها بایی ناو نووسینه‌كه‌یه‌، لیست ته‌نها بۆ ده‌سه‌ڵاتداران‌و ده‌وڵه‌مه‌ند‌و ئه‌وانه‌یه‌ كلكێكیان ها له‌ناو گه‌نده‌ڵییه‌كه‌یا، ده‌مم مه‌كه‌وه‌ وازم لێبێنه‌، لیستیش ته‌واو ده‌بێت هه‌ژارانیش هه‌ر برسییان ده‌بێت.


- كاك وریا حه‌مه‌ تاهیر ده‌نووسێت تاڵه‌بانی له‌ نێوان هاوڵاتی‌و سوڵتان هاشم‌و فڕۆكه‌وانه‌كه‌دا گیانم كاكه‌ تاهیر، ئایا ده‌زانیت كه‌ سكاڵا له‌سه‌ر تاڵه‌بانی تۆماركرا به‌وه‌ی داكۆكی له‌سوڵتان هاشم كرد، كاتێك
  (جه‌ریده‌كه‌ی‌ حیزب) پاكانه‌ی كه‌سانێكی به‌ناوی  ناوه‌ندی چاكه‌وه‌ بڵاو ده‌كرده‌وه‌، كاكی سه‌رنووسه‌ری به‌ڕێزی هاووڵاتی مخابن  رێنوێنی ده‌كردن‌و به‌ئیمه‌یل ده‌ستخۆشی بۆ ده‌ناردن، ئێستاش بابه‌ته‌كه‌ی به‌ڕێزت بووه‌ به‌ مانشێت له‌هه‌مان رۆژنامه‌، نازانم به‌ كام  گه‌مه‌یان بڵێم ئامین! ده‌ترسم رۆژێك بێت به‌وانه‌ی والێیان ده‌خوێنین بڵێین سه‌د ره‌حمه‌ت له‌ گۆڕتان!


- كاكه‌ نێچیرڤان بارزانی گۆتیسیاسه‌تی نه‌وتی شارستانی فاشیله‌ وه‌ڵا وایه‌، چونكه‌
  كۆنتراكته‌ فاشیله‌ گوماناوییه‌كان كورد په‌سه‌ند ناكات، سه‌ر زه‌وی هه‌مووی برا، به‌شی  نه‌وه‌كانی داهاتووش له‌بن زه‌وی تكایه‌ مه‌به‌ن.


- مه‌لا سدیق كرا به‌ رابه‌ری بزووتنه‌وه‌، گرنگ ئه‌وه‌یه‌ كورسییه‌كه‌ له‌ده‌ست
  بنه‌ماڵه‌ ده‌رنه‌چێت، با هه‌ر پیرۆزی خۆیان بێت.


- یه‌كێتی 10000 ده‌مانچه‌ له‌ كرواتیا ده‌كڕێت، دیاره‌ له‌جیاتی ریفۆرم فیلمی كابۆی ده‌رده‌كات، بۆ به‌زمی ده‌نگ كۆكردنه‌وه‌كه‌یه‌ ئاگاداربن.


- ره‌ئوف سواره‌ مه‌ولود له‌ 27-7-1997ه‌وه‌ له‌گه‌ڕه‌كی سه‌یتاقانی هه‌ولێر
  شوێنبزركراوه‌، تاوانی ته‌نها ئه‌وه‌بوو كۆنه‌ پێشمه‌رگه‌ی ینك بوو، به‌سزمانه‌ بۆ ماوه‌ی 6 مانگ سه‌فاو مه‌روای ئیمزاكردنی رێكخراوی ته‌عجیلیان پێی كرد، دوایی شوێن بزركرا،  5 منداڵی هه‌یه‌، هه‌دیه‌ی كچی ئه‌وكات ته‌نها 3 ساڵبوو، ئێستا ده‌یه‌وێت چاوی به‌ باوكی بكه‌وێته‌وه‌، تكایه‌ چاره‌نووسی ئه‌مانه‌ له‌ پایماننامه‌ی ستراتیژی جێبكه‌نه‌وه‌.


-دوای زیادكردنی بودجه‌ی حیزبه‌كان، یاسای حیزبه‌كان بێده‌نگی لێكرا، به‌ ده‌ردی
  كه‌ڵه‌شێره‌كه‌ی نه‌نكم چوون، به‌ چه‌وركردنی كۆمیان قوقه‌یان لێبڕا. چه‌وركردن هه‌میشه‌ ئاوایه‌، هه‌موو قوقه‌یه‌ك به‌ مرۆڤ ده‌بڕێت، یاڕه‌بی كه‌س سه‌ردانی شیراتۆن‌و.... نه‌كات، نه‌ڕه‌ی وه‌ك شێر بێت، ده‌یكه‌نه‌ مریشك.