١٠\٥\٢٠٢٢

سێ خەلاتێن تایبەت بۆ فیلمێ جیران.

 
فیلمێ دەرھێنەرێ کورد مانۆ خەلیل، د فەستیڤالا فیلمانا ناڤنەتەوەیییا فیلمێن ئافریکا، ئاسیا و ئەمریکا لاتینی ل باژارێ ملانۆ کو ئەڤ رۆ ب داوی ھات سێ خەلاتێن تایبەت وەرگرتن.

فیلم د بەشێ سینەما جوانان دە ژ بۆ پێشبەرکێ ھاتبوو ھبژارتن و ژ ئالیێ کۆسمیسیۆنەک ژوری وەکە باشترین فیلمێ پێشبەرکێ خەلات وەرگرت، و خەلاتا باشترین فیلم بۆ تەماشەڤانان و خەلاتا ژوریا ماموستەیێن میلانۆ ژی وەرگرت.

فیلما “جیران” چیرۆکا زارۆکەکی کوردێ شەش سالیە، کو ل گوندەکی کوردان ل سەر سینۆرێ „ترکیە و سووریێ“، و مالباتا وی و جیرانێن وانە. ب ھاتنا مامۆستەیەکی بەعسیێ فاشیست کو ھەول بدە وان ئەسیملە بکە، نفر دژمنایەتیێ دخە ناڤ وان دە، ب رەنگەکی تراژیدی و ب نەقشەک ئیرۆنی زولما فاشیستێن بەعس ل دژی ملەتێ کورد و دیکتاتۆریا رێژیما سووریێ تینە زمان.

فەستیڤالا فیلمانا ناڤدەولەتییا میلانۆ بۆ فیلمێن ئافریکا، ئاسیا و ئەمریکا لاتینی ژ ٢٩ نیسانێ ھەتا ٨ گولانێ بەردەوام کر.

فیلمێ جیران، یەکەمین فیلمە کو لەیستکڤانێن ئەرەب، کورد ویێن بەیانی ل کێلەکا ھەڤ بەشداری فیلمەکی ل سەر کوردان دبن و ب ھەموو مرۆڤاھیێ رە قالا چیرۆکەکە کوردی دکن و تراژیدیا کوردان و پەرچەکرنا کوردستان دکن. لەیستکڤانێن ئەرەب وەکە ژیھاد ئابدۆ، مازن ئالناتۆور، ژالال ئالتاویل، ناسیما ئالداھێر ویێن کورد و بەیانی وەکە زیرەک، ئسمال زاگرۆس، ھەڤال ناف، تونا دوەک، ئڤان ئاندەرسۆن و ب لەیستکڤانیا زارۆکێ کورد سەرھەد خەلیل ھاتیە ئامادەکرن.

تێ زانین کو فیلمێ “جیران” ھەتا نھا ب دەر دۆرا بیست خەلاتێن ناڤدەولەتی ب دەست خستنە، بەری چەند رۆژان خەلاتا ئافریکا، ئاسیا و ئەمریکا لاتینی باشترین فیلم و باشترین لەیستەکڤان بۆ سەرھەد خەلیل ژ ئالیێ فەستیڤالا فیلمێن ئەرەبی ل ھۆڵیوۆدێ ھاتبو خەلاتکرن.

فیلم وێ رۆژا ٢٩.٩.٢٠٢٢ دەرباسی سینەمایێن ئەلمانیا ببە، د زڤستانا ٢٠٢٢ دە وێ ل ئەمریکا، کانادائو گەلەک جھێن دن دەرباسی سینەما ببە.

https://www.fescaaal.org/en/news/3rd-miwy-awards-winners
 

sinemakurd@yahoo.com