|
٧\٥\٢٠١٢
شارێک خەڵاتی کچە
ھونەرمەندی ئاشتی دەکا.
سەلام
عەبدوڵا
 قائیمقامی
قەزای خانەقین و سەرۆکی ئەنجومەنی شارەکە لە دیوانی قائیمقامییەت بە
گەرمی پێشوازیان لە کچە ھونەرمەند(فاتمە محەمەد)یان کرد. محەمەد مەلا
حەسەن لەبارەی ھونەرمەندی ناوبراو وتی: ئێمە شانازی دەکەین بە کچە
شێوەکاری شارەکەمان کە بە تابلۆکانی بووە بە ویژدانی مرۆڤایەتی دژ بە
جەنگ و بەم بۆنەیە خەڵاتی دەکەین و ھیوادارین درێژە بە بەرھەمەکانی
بدات.
لە کاتی خەڵاتکردنی ھونەرمەندی ناوبراو، سەرۆکی ئەنجومەنی شار(سەمیر
محەمەد) وتی: خەڵاتکردنی ھونەرمەندەکەمان دەکەین، چونکە تابلۆکانی
ھیواو خواستی مرۆڤایەتییە وخۆشحاڵین کە کچێکی شارەکەمان دەرگای جیھانی
لەسەر خانەقینی نوێ کردۆتەوە.
 فاتمە
لە دوو تابلۆدا بە ئێسک و پروسکی مرۆڤ وێنەی دەمانجە تانکی کێشاوە و
بەمە لەبری شارەکەمان و ھەموو مرۆڤایەتی ناڕەزایەتی دژ بە جەنگ.
فاتمە لەلای خۆیەوە لەبارەی خەڵاتکردنەکەی وتی: خۆشحاڵم بەوەی شارەکە
بایەخ بە بەرھەمی ئاشتیخوازی دەدات. مرۆڤایەتی پێویستی بە بەرھەمھێنانی
چەک نییەو لەبریدا پێویستی بە نان، دەرمان و عەداڵەت و برایەتی ھەیە.
بەراستی زۆر بێزارم لەوەی کە ھەواڵەکان لە کەناڵەکانی تەلەفزیون دەبینم
ھەر باسی جەنگ و کوشتار و ئەنفال و گریانە. شەرمدەکەم لەوەی منداڵە چاو
گەشەکانمان دووچاری گریان، ھەژاری، نەخوێندەواری و لانەوازی دەبن.
نیوەی ئەو بڕە پارەیە بۆ چەک بەرھەمھێنان و بەکارھێنانی خەرج دەکرێ،
بەشی خۆشگوزەرانی سەد ساڵی مرۆڤایەتی دەکات و ژینگەی زەمینە سەوزە
جوانەکەمان لە وێرانکردن رزگار دەکات.
شایانی باسە لیژنەی بەرگریکردن لەبەرژەوەندییە گشتییەکان لە٢/٥/٢٠١٢دەستپێشخەری
کرد لە خەڵاتکردنی ھونەرمەندی ناوبراو و ھێشتا رێکخراو سەندیکا و حزب و
لایەن زانکۆ و پەیمانگەکان یەک لەدوای یەک خۆیان بۆ خەڵاتکردنی
ھونەرمەندفاتمە محەمەد حوسین ئامادە دەکەن.
ماڵپه‌ڕی سه‌‌لام عه‌بدوڵا
|
