پاش ٩ رۆژ لە گەمارۆدانی شاری جەزیرەی سەر بە شەڕناخی کوردستانی باکوور لە لایەن سوپای حکومەتە عەسکەرتاریی دڕندەکەی ئەردۆغان و داود ئۆغڵوو کە بووە هۆی گیانبەخشینی ٢١ هاوڵاتیی.. خەڵکی جەزیرە و هاوڵاتیانی شارەکانی دیکە کە بەهانایانەوە هاتبوون گەمارۆیەکەیان شکاند و ئەوڕۆ لە رێپێوانەکی ١٠٠ هەزار کەسیی و بە گوتنی سروود و دروشمی (شەهید نامری و تۆڵەتان لێدەکەینەوە) تەرمی ١٦ کەس لە گیانبەختکردوانی خۆیان بە رێز و شکۆمەندییەوە بە خاک سپارد.. هاوکات بە دەسەڵاتدارانی تورکیاشیان راگەیاند ئیدی رۆژی دەسەڵاتە رەگەزپەرستییەکەی ''ئەتاتورک'' و عوسمانییە نوێیە ئیسلامییەکەی تورکیا ئاوابووە و دەمی ئەوە هاتوە هاوڵاتیانی باکوور خۆیان خۆیان بەڕێوەببەن و هەرچی ستەم و چەوساندنەوەی نەتەوەیی و نیشتمانیی و کۆمەڵایەتیی هەیە کۆتایی پێبهینن.