٥\٥\٢٠١٣

سیناریۆیی (دار).

دانا محەمەد عەبدوڵا

دیمەنی ١.

ناوەوە . رۆژ. ژوور.

(ژووری تایبەتی ژیار، یەک جێگای نوستنی تێدایە و چەند کتێبیک و کۆمپیتەرێک لە زەوی ژوورەکەدایە لەکەڵ هیتەریکی کارەبا بە کوژاوەیی و لەگەل جێگایەکی جلوبەرگ هەڵواسین و ئاوێنەیەکی گەورە.

ژیار کورێکى تەمەن ٢٤ ساڵە، باڵایەکی مام ناوەندی هەیە لەسەر جێگاکەی پاڵکەوتووە ئەیەوێت بخەوێت بێتاقەت و بێزارە بەلام هەرچی دەکات خەوی لێ ناکەوێت، جێگای سەرینەکەی دەگۆریت لەسەر قەرەویڵەکە جیگای خۆی دەگۆریت بێ سودە خەوی لێناکەویت. بەتانیەکەی لەسەر خۆی لادەبات و دائەنیشێت بیرئەکاتەوە، هەڵئەستێت و ئەچێتە پێش ئاوینەکە تەماشای خۆی ئەکات دەموچاوێکی بێزار و قژێکی تێک چووی هەیە. ملپێجێک لە مل دەکات و دەڕوات.

دەرەوە.رۆژ. ماڵ.

(ژیار دەرگای ماڵیان دادەخات و دەرواتە دەرەوە)
(ژیار لە شەقامێکی قەرەباڵغدا رێدەکات)
(لە ترافلایتێک وەستاوە چاوەرێی پەرینەوە دەکات).

دەرەوە . رۆژ. پارک.

 
(لە پێش پارکێکی گەورە وەستاوە سەیری دەکات).

ٍناوەەوە . رۆژ. پارک .

(ژیار لە ناو پارکەکەدا بە تەنیا پیاسە دەکات، بە تەنیشت دارە بەرزەکاندا دەروات و دەچیتە تەنیشت ئاویک و سەیری دار و گوڵەکان دەکات، کورسییەک دەبینێت لەسەری دادەنیشێت و بیردەکاتەوە بیزار و بێتاقەتە)
(لە تەنیشت ئەو کورسیەی ژیار لەسەری دانیشتووە دارێکی گەورە هەیە)
(ژیار سەیری دارەکە دەکات و مال پێچەکەی لە مل دەکاتەوە، بە بێ تاقەتیی لەسەر دارەکە دەنووسیت
// ژیان هیچ کەسیکی تیدا نییە، سلاو چۆنی //
(دواتر هەڵدەستێت و دەروات بەلام ملپێچەکەی لەسەر کورسییەکە لەبیردەچێت)
(ژیار پیایەسە دەکات بەناو پارکەکەدا و دەچێتە لە تەنیشت نافوورەیەک کە ئاوێکی بەرز و جوان لێ بەرز دەبێتەوە، دەموچاوی دەشوات بیری دەکەوێتەوە ملپێچەکەی لەبیرچووە)
(ژیار بە پەلە دەگەریتەوە بۆ سەر کورسییەکە و دەبینێت ملپێچەکەی لەسەر کورسییەکە نەماوە، سەیری دارەکە دەکات لەسەری نوسراوە)
// ژیان کەسی تیدایە بەس تۆ نایبینیت، من باشم تۆ چۆنی، ناوت چیە //
(ژیار ئەمەی پێ سەیرە دەبێت و سەیری ئەم لاو ئەو لای دارەکە و ناو پارکەکە دەکات کەس نابینێت، بزەپیکەنینێک دەکات و لەسەر دارەکە دەنوسێت)
// سوباس باشم ناوم ژیار. تۆ ناوت چیە //.

ناوەوە .رۆژ. ژوور.

(ژیار دێتە ژوورەکەیەوە بیردەکاتەوە دەچێتە سەر جێگاکەی و بزەپێکەنینێک دەکات و بەتانیەکە ئەدات بەسەریدا)
(ژیار هەڵدەستێت لە خەو سەیری سەعات دەکات و بە پەلە دەروات).

دەرەوە . رۆژ. پارک.

ژیار دەچێتە پێش پارکەکە و سەیری پارکەکە دەکات لە هەمان شوێن کە یەکەم جار سەیری پارکەکەی دەکرد بزەیەکی کەم دەکات و بەرێکردنێکی سەرع دەروات بۆ ناو پارکەکە)
(لەسەر کورسیەکە دادەنیشێت سەیری دارەکە دەکات نوسراوە)
// ناوم سوزانە، تۆ کێیت ؟ //
ژیار: (بزەپیکەنینێک دەکات و دەنووسێت).

ناوەوە .رۆژ. ژووری.

(ژیار هەڵدەستێت لە خەو بە خێرایی چاکەتەکەی لەبەردەکات و دەروات).

دەرەوە . رۆژ. پارک.

(ژیار لە هەمان شوێن سەیری پارکەکە دەکات و بە راکردن دەروات بۆ ناو پارکەکە، لەسەر کورسییەکە دادەنیشێت و سەیری دارەکە دەکات و نووسینەکان دەخوێنێتەوە و دەست ئەکات بە نووسین).

هەمان شوێن.

(چەند جارێک لە تەنیشت دارەکە جلوبەرگی دەگۆرێت، پێئەکەنێت و سەیری دارەکە ئەکات و نووسین دەخۆینێتەوە چەپڵەی خۆشیی لێ دەدات.. سەیری دارەکەش دەکات و پاڵ بە دارەکەوە دەدات و سەیری ئاسمان دەکات.. شت دەنووسێت، چەند رۆژێک تێدەپەرێت)
(ژیار سەیری دارەکە ئەکات نوسراوە)
سوزان: // بەیانی یەک ببینین //
ژیار: دەنووسێت // بەڵێ // .

ناوەوە .رۆژ. ژووری.

 
(ژیار لە خەو هەڵدەستێ دڵخۆشە)
(دەموچاو و ددانی دەشوات)
(خەریکی ریش تاشین دەبێت و پێدەکەنێت)
(دەچێتە پێش ئاوێنەکە جلوبەرگ لە بەردەکات)
(چەند جلوبەرگێک تاقی دەکاتەوە).

ناوەوە. رۆژ. پارک.

 
(ژیار لە دوورەوە سەیری دارەکە ئەکات ئەبینێت کچێک دانیشتووە، ئەچیت بۆ لای دارەکە و نزیک ئەبیتەوە کچەکە دەیبینیت و بزە پیکەنین بۆ یەک دەکەن و بەرەوە رووی یەک دەرۆن و کچەکە ملپێچەکەی ژیاری لە ملی دایە و پێدەکەن و لە تەنیشت دارەکە دادەنیشن).

کۆتایی
___________________________________
تێبینیی: ئەم سیناریۆیە کراوەتە فیلم لە کۆلیژی هونەرە جوانەکان لە زانکۆی سەلاحەدین.
 

danamahamad@yahoo.com