په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١١\٣\٢٠١١

 سیاسه‌ت له‌ گۆشه‌نیگای ناودارانه‌وه‌.


ره‌زا شوان    

* سیاسه‌ت هونه‌ری هه‌ڵخه‌ڵه‌تاندنه‌ ، له‌ هۆشی لاوازه‌کاندا ، پانتاییه‌کی زۆری داگیرکردووه‌ . ڤۆڵتێر

* هه‌موو سیاسه‌تێک قسه‌یه‌ ، به‌ڵام هه‌موو قسه‌یه‌ک سیاسه‌ت نییه‌. بۆل کراون

* ناله‌بارترین شت له سیاسه‌تدا ، ئه‌وه‌یه‌ که‌ ده‌ستی پێبکه‌یت و به‌ ناچڵی وازی لێبهێنیت . ناپلیۆن ‌

* سیاسه‌ت هونه‌رێکه‌ ، ڕێ نادات به‌ خه‌ڵکی بۆ ئه‌وه‌ی له‌و شتانه‌ بکۆڵنه‌وه‌ که‌ گرنگن بۆیان .ڤالیری

* سیاسه‌ت ، هونه‌ری کارکردنه‌ له‌ سنووری توانادا . بسمارک

* سیاسه‌ت ، مرۆڤ ده‌کات به‌ دوو به‌شه‌وه‌ ، به‌شێکی به‌کارده‌هێنن و به‌شه‌که‌ی تریشی ده‌بێت به‌ دوژمن . فردریک نیتشه‌

* من خۆم بڕیارم دا ، که‌ ببم به‌ سیاسه‌تمه‌دار . هیتله‌ر

* ئای بۆنی ته‌رمێک دێ ، ده‌ترسم نیشتمانه‌که‌م بێ ، له‌ بارووتی وتاری سیاسییه‌کاندا سوتابێ..! له‌تیف هه‌ڵمه‌ت

* سیاسه‌ت بریتییه‌ له‌ توانای پێشبینی کردن ، که‌ سبه‌ینێ یا مانگێکی تر یا ساڵێکی تر چی ڕووده‌دات ، دوای تریش توانای لێکدانه‌وه‌ی هۆیه‌کانی نه‌هاتنه‌دیی ئه‌و پێشبینییانه‌ ، ئه‌گه‌ر نه‌هاتنه‌دی. چه‌رچڵ

* سیاسه‌تمه‌دار ئه‌و که‌سه‌یه‌ که‌ شه‌پۆله‌کان دروست ده‌کات ، دوای ئه‌وه‌ وات لێده‌کات بڕوای پێبکه‌یت ، که‌ ئه‌و هه‌ر خۆشی ده‌توانێت که‌شتییه‌که‌ به‌ره‌و ڕۆخی دڵنیایی به‌رێت . ڤۆڵتێر

* سه‌رۆکی کۆمه‌ڵه‌ی شه‌یتانه‌کان ، له‌ به‌رده‌م نووسه‌رێکی سیاسیدا ده‌له‌رزێ . ولیه‌م ستید

* سیاسه‌تمه‌داران له‌ هه‌موو شوێنێکدا وه‌کو یه‌کن ، به‌ڵێن ئه‌ده‌ن به‌ دروست کردنی پردێک ، ئه‌گه‌رچی له‌و شوێنه‌دا هیچ ڕووبارێکی لێ نییه‌ . نیکیتا خرۆشۆف

* تۆ له‌ سیاسه‌تدا هاوڕێت نییه‌ ، ته‌نها ئه‌وانه‌ نه‌بێت که‌ هاوڕاتن . یوسف که‌نه‌

* سیاسه‌ت زانیاری نییه‌ ، به‌ڵکو هونه‌ره‌ . بسمارک

* ئه‌گه‌ر فێڵباز ڕه‌وشت و ڕه‌فتاری خۆی بگۆڕێت ، ده‌توانێت ببێت به‌ گه‌وره‌ترین سیاسه‌تمه‌داری جیهان . ئه‌رستالیس

* سیاسه‌ت وه‌ک کشتوکاڵه‌ ، ئه‌گه‌ر پێش ئه‌وه‌ی پێبگات به‌ره‌که‌ی بکه‌یته‌وه‌ زیان به‌خشه‌ ، هه‌روه‌ها ئه‌گه‌ر کاتیشی بسه‌رچووبێ. حه‌سه‌نی دووه‌م

* بۆ دوورکه‌و‌تنه‌وه‌ له‌ ناکۆکی، ده‌توانیت سوود له‌ سیاسه‌تی بێ ده‌نگی وه‌ربگریت. سۆزان کۆ ئیلیام

* ده‌شڵێن : له‌ سیاسه‌تدا نه‌ دوژمنایه‌تی تا سه‌ره‌ ، نه‌ دۆستایه‌تیش تا سه‌ره‌.

 

نه‌رویج

ماڵپه‌ڕی ره‌زا شوان

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک