سزادانی ''رائیف بەدەوی - نووسەر و چالاکوانی مافی مرۆڤ و دامەزرێنەری تۆڕی لیبرالییەکانی سعودیە'' بە تۆمەتی ''ناوزڕاندنی دینی ئیسلام'' لە لایەن دادگای تاوانی شانشینی سعودیەوە بە (١٠ ساڵ زیندانکردن و ١٠٠٠ شەلاق و یەک ملیۆن ریال و داخستنی یەکجارەکیی پێگەکەی) کە دەبێ هەر هەفتەیەکیش پاش نوێژی ''خوتبە''ی هەینییان لە شوێنێکی گشتیی شەلاقەکەی لێبدرێ و بگەڕێندرێتەوە زیندانەکەی.. هەروا ماوەی ١٠ ساڵ پاش تەواوبوونی حوکمەکەی بەشدارییکردنی لە دەزگایە میدیاییەکان قەدەغە بکرێ و ماوەی ١٠ ساڵیش لە گەشتی دەرەوەی سعودیە قەدەغە بکرێ، دیاردەیەک نییە کە تەنیا دەسەڵاتدارانی سعودیە دایانهێنابێ بەڵکە ئەوە بۆماوە و درێژکراوەی حوکمی شەریعەت واتە دەستوور و یاسایەکانی ئیسلامە کە لە سەدەی ٢١ و بەو جۆرە دڕندانەیە مرۆڤەکان بە شەلاق سزا دەدەن.. ئەویش تەنیا لەسەر ئەوەی کە ''رائیف'' و کەسانی وەک ئەو دەیانەوێ بە شێوەیەکی ئاشتییانە گوزراشت لە ئازادیی رادەربڕینی خۆیان بکەن!