٢٦\٣\٢٠١٠

سۆسیال دیموکراتی سوێد چه‌واشه‌ی کوردان ده‌کات.

قادر نادر  

چه‌ند رۆژێکه‌ ‌ فشار خراوه‌ته‌ سه‌ر سۆسیال دیموکراتی سوێدی تا بۆ کوردان رون بکاته‌وه‌ ، که‌ هۆکاری چیه‌ ، پاشه‌ کشه‌ وه‌ده‌نگیان به‌ جینوساید ناسینی ‌ئه‌نفال له‌ دانیشتنی په‌رله‌مانی سوێدی 11.03.2010 نه‌دا ، ئه‌مه‌ش بۆته‌ هۆکاری ئه‌وه‌ی رای جیا جیای چه‌واشه‌ له‌به‌رامبه‌ر ره‌خنه‌ی کوردان ده‌رببڕن ، به‌تایبه‌تی که‌ ئێستا به‌ره‌و کاتی ده‌نگدان ده‌چین پێویستیان به‌ ده‌نگه‌ ، وه‌ کورد ده‌بێت له‌گه‌ل حزبه‌ ئه‌وڕپیه‌کان فێره‌ ئه‌و خه‌باته‌ بێت به‌و مه‌رجه‌ ده‌نگت پێ ده‌ده‌م که‌ پشتگیریم بکه‌یت ، ئاخر له‌ولاتێکی وه‌ک ‌سوێد زیاتر له‌ 100 هه‌زار کورد ده‌ژیت که‌له‌ زه‌مه‌نی ئێستا به‌لایه‌نی که‌م 30 بۆ 0 4هه‌زاری مافی ده‌نگدانی هه‌یه‌!؟

 
به‌هۆی ململانێی سیاسی سۆسیال دیموکراته‌کان له‌گه‌ل پارتی چه‌پ و ژینگه‌ ، به‌داخه‌وه‌ گه‌وره‌ترین شکستی دیبلۆماسی و چانسی مێژویان له‌ کورددا ( ده‌نگ نه‌دان به‌ئه‌نفال جینۆسایده‌ ) ، چونکه‌ پشتگیریان له‌ داخوازی ( چه‌پ وژینگه ‌ له‌سه‌رناسینی ئه‌نفال به‌ جینۆساید نه‌دا ) وه‌ئه‌وان ئه‌گه‌ر له‌ده‌سه‌ڵاتیش نه‌بن هێزێکی بڕیارده‌رن چونکه‌ خاوه‌ن 130 کورسی یان %35 کورسیه‌کانی په‌رله‌مان پێک ده‌هێنن . که‌چی له‌به‌رامبه‌ر ئه‌و ناهه‌قیه‌ کاردانه‌وه‌و ره‌خنه‌ گرتنی کورد له‌ئاست سه‌رجه‌م ئه‌م حزبه‌ سوێدیانه‌ی ده‌نگیان به‌ ناساندنی ئه‌نفال نه‌دا یه‌کجار لاواز بوو!؟ .

دوای ئه‌و ره‌خنه‌نای له‌ سۆسیال دیموکرات گیراوه‌ ،له‌چه‌ندین بۆنه‌ی جیادا هه‌ستیان کردوه‌ هه‌له‌یان کردوه‌ و کوردیان له‌ خۆ ڕه‌نجاندوه‌ ، بۆیه‌ شیوازی ئاشتکردنه‌وه‌ ده‌گرنه‌ به‌ر ، به‌لام ده‌یانه‌وێت چه‌واشه‌ی کورد بکه‌ن ، گوایه‌ ئه‌وان دانیان پیا ناوه‌ !! هه‌وره‌ک له‌چه‌ند ڕۆژی رابردودا پریس کۆنفرانسێکیان بۆ که‌ناله‌ ناوخۆیه‌ کوردیه‌کان ئه‌نجام دا ئه‌مه‌ جگه‌ له‌چه‌ندین دیدار وگفتوگۆی ته‌له‌فۆنی که‌به‌نده‌ ئاگاداره‌ ، ‌ که‌گوایه‌ ئه‌وان ده‌نگیان بۆ ناساندنی ئه‌نفال داوه‌ . وه‌هه‌ندێ ئاخافتنیان کردوه‌ .

باس له‌ په‌ره‌گرافێک ده‌که‌ن که‌ گوایه‌ هه‌ر 7 حزبه‌ نوسیویانه‌ پێشوازی له‌بریاری دادگا ده‌که‌ن . که‌ئه‌گه‌ر به‌م خاله‌ بێت
،په‌رله‌مانی به‌ریتانیاش له‌م رۆژانه‌ رای گه‌یاند که‌پێشوازی ده‌که‌ن ، له‌کاتیکدا پێشوازی و دان پیانان جیاوازی سیاسی خۆی هه‌یه‌ ؟
وه‌ئه‌گه‌ر به‌و وته‌یه‌یان بێت ئه‌وا هه‌ر 7 حزبی سوێدی ده‌نگیان بۆبه‌ جینۆسایدی ئه‌نفال داوه‌ !؟

پرسیار ئه‌وه‌یه‌ ئه‌ی کاتێک مه‌سه‌له‌ی ئه‌نفال به‌ جینۆساید ناسین درایه‌ ده‌نگدانه‌وه‌ که‌ ( پشتگیری له‌هه‌لوێستی به‌رپرسی سیاسه‌تی ده‌ره‌وه‌ ده‌که‌ن ) کێ دژ و له‌گه‌لی بوو!؟ ..ئه‌وا له‌خواره‌وه‌ لیستی ژماره‌ی ئه‌ندام په‌رله‌مانی حزب و ناوی په‌رله‌مانتاره‌کان بۆ خوێنه‌ران بلاو ده‌که‌مه‌وه‌ . بائه‌وان حوکم بکه‌ن.
http://kurdistanpost.biz/pdf_files/list.pdf
دواتر پێشوازی له‌دادگای عیراق و دان پیانان دو مه‌به‌ستی جیا ده‌گرێت . وه‌ئه‌وان له‌دواین کۆنگره‌ی حزبیان له‌ 28 .10 .2010 دانیان به‌تاوانی ئه‌نفال و سه‌یفۆ نا که‌ جینۆسایده‌ . وه‌ یه‌که‌م خالی ئه‌و دان پیانانه‌یان باس له‌وه‌ ده‌کات:
. خه‌بات ده‌که‌ن بۆ به‌ جینۆساید ناسینی ئه‌نفال و سه‌یفۆ له ‌ولاتی سوێد و یه‌کێتی ئه‌ورپا و نه‌ته‌وه‌ یه‌کگرتوه‌کان.
به‌لام له‌ بواری پراکتیکدا له‌په‌رله‌مانی سوێد ده‌نگیان پێ نه‌داوه‌ و بواریان نه‌دا ببێته‌ گفتوگۆی په‌رله‌مانتاران له‌سه‌ر به‌جینۆساید ناسینی.
. له‌په‌ره‌گرافێکی تر نوسیویانه‌ که‌ئه‌وان خه‌بات ده‌که‌ن بۆ ناساندنی 16.03 به‌رۆژی دژی چه‌کی کۆمه‌لکوژی کورد.
به‌لام با خوێنه‌ خۆی سه‌یری ئه‌و لینکه‌ی خواره‌وه‌ بکات که‌ به‌شێکی له‌گفتوگۆ و بریارو ڕۆژی کۆبونه‌وه‌که‌ی 11.03 په‌رله‌مانتارانی سوێده‌ که‌قسه‌و باسیان له‌سه‌ر به‌ جینۆساید ناسینی ( ئه‌رمه‌ن و ئاسوری وکلدان وکورد ..کردوه‌ ئایا هه‌لوێستی سۆسیال دیموکرات به‌رونی چی بووه‌!

ده‌قی دانپیانانی کۆنگره‌ی سۆسیال دیموکراتی سوێد به‌جینۆساید ناسینی ئه‌نفال و سه‌یفۆ له‌ 28ئه‌کتۆبه‌ری 2009
http://kurdistanpost.biz/pdf_files/kampani.pdf

ئه‌مه‌ش ده‌قی گفتو گۆی ئه‌ندامه‌کانیانه‌ که‌ئاسمان و ڕیسمانی جیایه:‌
http://www.riksdagen.se/webbnav/index.aspx?nid=3322&rm=2009/10&bet=UU9

ئایا به‌راستی ئه‌وان به ‌وته‌ و ده‌نگدانیان له‌گه‌ل دۆسیه‌ی J) 28) دواین کۆنگره‌ی حزبیان بوونه‌ که‌ ئه‌نفال جینۆسایده‌؟
ئایا له‌کوێدا ئه‌وان به‌رونی داکۆکیان له‌مه‌سه‌له‌ی گه‌لکوژی کورد کردوه‌ !؟

ئه‌وه‌ی جیگای نیگه‌رانیه‌ ، هه‌ندێ کادیری سۆسیال دیموکرات که‌ کوردن ، پارتی و یه‌کێتی ئاسا داکۆکی له‌هه‌لوێستی حزبه‌که‌یان ده‌که‌ن . که‌نازانم چۆن ده‌توانن له‌نێوان گه‌له‌که‌یان و حزبه‌که‌یان ئه‌وه‌ی دوه‌م هه‌لبژێرن !؟

ئه‌وه‌ی ماوه‌ته‌وه‌ ئه‌وه‌ش بلێم راسته‌ سۆسیال دیموکرات زیانێکی مه‌عنه‌وی و ده‌ستکه‌وتیکی مێژویی نه‌ته‌وه‌ییان له‌ده‌ست داین ، به‌لام ناشبێت ئه‌وه‌ له‌یاد بکه‌ین که‌ده‌بێت فشارو هێزمان به‌پله‌ی یه‌که‌م ئاراسته‌ی ئه‌و حزبه‌ بێت وه‌ له‌حزبه‌ راسته‌کان له‌کورد نزیکترن ، وه‌ ئه‌ورێژه‌یه‌ ‌کورسیه‌ی په‌رله‌مان به‌ده‌ستی ده‌هێنن ، ژماره‌ی یه‌کلاکه‌ره‌وه‌یه‌ له‌بریاره‌کانی په‌رله‌مان ، وه‌خالی لاوازی ئه‌وانمان له‌به‌رده‌سته‌ ، که‌له‌دواین کۆنگره‌یان ، 3 خالیان له‌به‌رژه‌وه‌ندی گه‌لکوژی کورد ده‌نگ پێداوه‌ . بۆیه‌ ده‌بێت کورد هێزی خۆی له‌به‌رامبه‌ر ئه‌و حزبه‌ نیشان بدات که‌ده‌نگت پێ ده‌ده‌م ، به‌لام هه‌له‌ و تاوانی وه‌ک 11.03 دوباره‌ نه‌که‌یته‌وه‌.
سه‌ربای هه‌موئه‌م دۆکۆمێنتانه‌ی بلاویشمان کرده‌وه‌ پرسیارێک له‌کادیره‌ کورده‌کانیان ده‌که‌ین وده‌لێین ئه‌گه‌ر حزبتان ده‌نگی به‌ئه‌نفال به‌ جینۆساید دا بۆچ له‌میدیای سوێدی ئاماژه‌ ته‌نیا به‌ ئه‌رمه‌ن وسریان و کلدان ..کرا!؟

ئه‌ی ئه‌و 18 ئه‌ندام په‌رله‌مانی چه‌پ و 12 ژینگه‌ و گۆلان ئاڤچی له‌سه‌نته‌ر پارتی ده‌نگیان به‌رامبه‌ر 225 ده‌نگی کام لایه‌ن بوو ،( هه‌ر 5 حزبه‌که‌ی تر)؟
ئایا ئه‌گه‌روته‌که‌ی ئێوه‌ راست بێت دانی پیا نراوه‌ ، تۆ بڵیی مه‌حمود فه‌همی و حزبه‌که‌ی ( مۆدێرات ) ده‌نگیان بۆ ئه‌نفال به‌ جینۆساید داوه‌ ، که‌سه‌رباری هه‌موو ئه‌و ره‌خنانه‌ی ئاراسته‌ی ده‌کرێت و نه‌ێێته‌ وه‌لام و بلێیت نوسیومانه‌ پێشوازی و دان به‌تاوانی ئه‌نفال به‌ جینۆساید ده‌نێین !!؟

بۆزانیاری زیاتر له‌م باره‌وه‌ سه‌یری ئه‌م لینکه‌ی خواره‌وه‌ بکه‌ن:
http://www.kurdistanpost.com/view.asp?id=6d687ab4