|
سوپاسنامه بۆ
هاوخه‌میتان ......
هه‌رگیز بیرم نه‌کردبوه‌وه مردنی باوک ئه‌وه‌نده کاریگه‌رو ئه‌وه‌نده
ناڕه‌حه‌تبێت یان ئه‌وه‌نده شعوری ته‌نیاییم لا دروستکات .
بێتاقه‌تیو توشی شۆک بوون بۆ مه‌رگی باوکم له‌وه زیاتره باسی بکه‌م.
گه‌رچی مه‌رگ ئه‌و ڕوداوه‌یه هه‌میشه ئێمه چاوه‌ڕێیده‌که‌ین و مه‌حاله
ده‌ربازبون لێی .
به‌ڵام مه‌رگی باوکم له‌م زه‌مه‌ن و زروفه‌دا بۆ ئێمه چاوه‌ڕوان نه‌کراوبوو
وه خه‌به‌رێکی ئه‌وه‌نده کاریگه‌ربوو که به‌ڕاستی بۆی ئاماده‌نه‌بووین.
نازانم بۆ بیرم نه‌کردبوه‌وه که باوکم له‌م زه‌مه‌ن و زروفه‌دا
جێمانده‌هێڵێت و ئه‌م شعوری ته‌نیایه‌مان پێده‌به‌خشێت.
له‌وه‌یه باشی ته‌ندروستی و ته‌مه‌نی ئێمه‌ی وا لێکردبێت که ئاماده‌ی
باوک مردن نه‌بوبێتین .
دلنیام که‌سانێک له من ده‌گه‌ن که باوکیان له‌ده‌ستداوه یان هه‌واڵی
ئاوا له‌ناکاویان پێگه‌یشتوه.
به‌ڕاستیش بۆ سه‌رجه‌م خانه‌واده‌که‌مان و به تایبه‌تیش بۆ دایکم
ئێجگار قورس که‌وته‌وه.
به‌ڵام سه‌رئه‌نجام ئه‌وه واقیعێکه‌و ده‌بێت قبولی بکه‌ین هه‌رچه‌نده
سه‌ختیش بێت.
ئه‌وه‌ی که بۆم گرنگه‌و ده‌مه‌وێت باسی بکه‌م ئه‌وه‌یه.
پربه‌دڵ و له‌ناخه‌وه سوپاسکردنی ئه‌و هاوڕێ و دۆست و خزمانه‌یه که
زۆر به ئیحساسێکی هاوڕێیانه‌و دلسۆزانه له‌گه‌ڵمان بوون به‌سه‌ریان
کردینه‌وه به(سه‌ردان ، ته‌له‌فۆن، ئیمه‌یل) زۆرێک له هاورێیان چه‌ندجارو
چه‌ند بار په‌یوه‌ندیان پێوه‌کردوینه و سه‌ردانیان کردوین و هاوخه‌مو
ماندوبون له گه‌ڵمان.
سه‌ڕه‌ڕای هاوڕێیانێک دوای گه‌ڕانه‌وه‌م بۆکوردستان به‌رده‌وام له‌گه‌ڵمابونه‌و
نه‌یان هێشتوه ته‌نیابم .
بۆیه به‌ناوی خۆم و سه‌رجه‌م ئه‌ندامانی خێزانه‌که‌مانه‌وه سوپاس و
ڕێزو خۆشه‌ویستی زۆرمان ئاڕاسته‌ی هه‌مولایه‌ک ده‌که‌ین .به‌ڕاستی
دلسۆزو میهره‌بان بون نمونه‌تان زۆر بێت و چاوتان ماچده‌که‌ین.
به هیواین هه‌رگیز تووشی ناخۆشی نه‌بن .
ئاسۆ گۆران / له جیاتی سه‌رجه‌م خانه‌واده‌که‌مان
2010\3\12
ماڵپه‌ڕی ئاسۆ گۆران
|
