|
|
|
١\٢\٢٠٢٣ تا!
دارا خونچە جیهان خڕی نیشتیمانمە ١ زێدەکەی من پایتەختیەتی ئەتووش شارە شیرینەکەم! تا تووم هەبی ٢ هەرگیز شنە و بۆنوبەرامە و شەبەنگی خونچە گوڵان وە هیچ کەس نادەم وە دیاریی! ٣ تا تووم هەبی گشت پەیامە ئاوییەکان و ئاورینەکان ٤ هەمیشە هەر وە زوانی گوڵ و پەپوولان یاداشت دەکەم! ٥ تا تووم هەبی لەسەر دوندی دڵ و دەروونم وەستابی و ئاڵای ئازادیی دەربڕین بەرز راگری وە هەژموونی بیر و هزری ژنگەرایە رووکەشەکان راناچڵەکێم.. لەبەر دامەنی هیچ ژنەک داناچەمێم! ٦ تا تووم هەبی لەسەر بەزمی ''گورگ و مەڕانێ'' و ''چاوشارکێ'' ٧ لەسەر رەزمی قوتەقوتی مەمکۆڵانت کە دەکەونە باڵەفڕکێ ٨ وازی دەگەڵ پەیڤەکان و رازی زوان و زاران بکەی ٩ ئەز هەمیشە وە زوان زەنگین و رەنگینی کوردەواری بەستە و لاوک و سیاچەمانە و حەیرانانت لۆ دەچڕم! هەر دەمەکیش جێیەک نەما وەک شارۆمەند ١٠ لەسەر نەخشەی سۆز و ئەندێشەی ئازادت ئاکنجیم کەی ١١ ئیدی ئەوپەڕی رەوایە وەک پەنابەر داوای مافی نیشتەجێبوون لە شارە خوەش شیرین و گۆرینەکەی خۆمدا بکەم ١٢ هەمدیس دەستبەردارت نەبم! ______________________________________________________
١-
خڕ: هەموو، تەڤ، تێکڕا، سەرجەم.
|
|
|
