١٧\٢\٢٠١٢

تا ناڕه‌زایه‌تیی و خۆپیشاندانه‌کانمان

له‌ هه‌ر سێ ڤایرۆسی شارچێتیی و دینداریی و پیاوسالاریی دانه‌ماڵدرێ

هه‌‌رگیز له‌ ده‌سه‌ڵاتی خێڵ رزگار نابین.

یه‌کێتی به‌ هۆی ئه‌وه‌ی وه‌ک تاکه‌ حیزبی ده‌سه‌ڵاتدار له‌ سلێمانی که‌رتێکی لێ دابڕا و بووه‌ (حیزبی گۆڕان).. ئیدی وه‌ک دڕنده‌یه‌کی زامدار نه‌یده‌توانی وه‌ک پێشتر خه‌ڵک له‌ بن ده‌ست و پێی خۆی بپلیشێنێته‌وه‌، هه‌ر که‌ گۆڕانیش که‌وته‌ سه‌رپێی خۆی ئه‌و هه‌له‌ی قۆسته‌وه‌ و بۆ ماوه‌ی دوو مانگ لایه‌نگرانی خۆی له‌ پێناو سیاسه‌ته‌ ته‌سک و شارچێتیی و ده‌سه‌ڵاتخوازییه‌ ماکیافیلییه‌که‌ی خۆی هێنایه‌ سه‌ر شه‌قام و هاوکات توانی ئیسلامییه‌ کۆنه‌په‌رسته‌کان و ته‌نانه‌ت خه‌ڵکی به‌ ناو رۆشنبیر و هێنده‌ک له‌ چه‌په‌کانیش وه‌دوای خۆی بدا و به‌کاریان بهێنێ..

 

سه‌ره‌نجام پاش دوو مانگ دڕنده‌ زامداره‌که‌ که‌ گه‌یشته‌ سه‌ر ئێسکی ئیدی لێیان راپه‌ڕی و (ئازادیی رووکه‌ش و ئه‌لاهوئه‌کبه‌ر و پاڵه‌وانه‌ شارچییه‌کان)ی هه‌موو پێکه‌وه‌ راماڵی و خوێنی ده‌ که‌سه‌که‌ و سه‌دان برینداره‌که‌ش به‌ بێ گه‌یشتن به‌ هیچ ئامانجێک به‌فیڕۆچوون..

 

له‌وساکه‌شه‌وه‌ تا ئێستا نه‌یانتوانیوه‌ جاره‌کی دیکه‌ بۆ ماوه‌ی دوو کاتژمێریش خۆپیشاندانێک ئه‌نجام بده‌ن، بۆیه‌ ئیدی کاتی ئه‌وه‌ هاتووه‌ دڵسۆزان و پێشکه‌وتنخوازانی گه‌له‌که‌مان سیاسه‌تی شارچێتیی گۆڕان و ده‌وروبه‌رره‌که‌ی و ناوچه‌گه‌ریی و پیاوسالاریی و کۆنه‌په‌رستانه‌ی دینیی له‌قاو بده‌ن.. چونکه‌ ده‌سه‌ڵاتی چه‌وسێنه‌رانه‌ی میلشیایی خێله‌کیی هه‌ردوو بنه‌ماڵه‌که‌ی بارزانی و تاڵه‌بانی ته‌نیا به‌ یه‌کگرتوویی خه‌ڵکانی چه‌وساوه‌ و به‌شمه‌یننه‌ت و سه‌رکوتکراوی هه‌موو کوردستان کۆتایی پێ دێ.

 

 

- ئه‌مڕۆ -

١٧\٢\٢٠١٢