|
١٨\٣\٢٠١٤
تەنیا بە
پارێزگاکردنی هەڵەبجە
ئازارەکانی خەڵکی
هەڵەبجە کەم نابێتەوە.
ئەرسەلان سافیە
 دەتوانم بلێم هەموو ئەو پۆست و داهات و
ڤێلا و قەسر و
قەمەرانەی کە (بەرپرس و وەزیر و
گزیرەکانی کوردستان بە ئەندام
بەرلەمانەکانەوە لەگەڵ هەموو سەرۆک و جێگر و
بەرپرسانی پارتە سیاسییەکان)
هەیانە زیاتر بە هۆی شارۆچکەی
هەڵەبجەوە بووە. هەڵەبجەیان وەک
سەرچاەوەیەکی داهات بۆ پلەو پایە و
داهاتەکانیان بەکاردەهێنن، ئەگەر ئێستا هەر
هەنگاوێک لە هەر لایەنێک نراوە بۆ بە پارێزگاکردنی شارۆچکەی
هەڵەبجە ئەوە کارێکی باشە، بەڵام بە
مەرجێک دوارۆژ ئەو لایەن و کەسایەتییانە
نەیکەن بە منەت و بیڤرۆشنەوە بە خەڵکی هەڵەبجە
و خۆیانی پێ بادەن، هەروەک چۆن بینیمان لە یادی
راپەرینەکانی بەهاری ساڵی ١٩٩١
پارتە سیاسییەکان ئەو
یادانەیان بە حیزبیی کرد و تەنیا بە
دەسکەوتی خۆیانیان دادەنان
کەچی خەڵکی شارەکان رۆڵی
سەرکییان هەبوو لە راپەڕینەکان.
لەگەڵ ئەوەشدا بە پارێزگاکردنی هەڵەبجە
واتای ئەوە نییە
خەڵکی هەڵەبجە هەموو خەون و ئاواتەکانیان هاتۆتە دی..
من دەڵێم تا ژیانی مرۆڤایەتی لەسەر زەوی
مابێ مرۆڤ قەرزداری خەڵکی هەڵەبجەن دوای ئەو
نەهامەتیی و کارەساتەی بەسەر
ئەو خەڵکەدا هات
لە ١٦\٣\١٩٨٨
کە بووە هۆی مردنی هەزاران
خەڵکی بێتاوان لە ژن و منداڵ و لاو و پیر.
لەگەڵ ئەوەشدا خەڵکی هەڵەبجە ئەو راستییە
دەزانن کە شارەکانی تری هەرێم
هەرچەندە پارێزگان بەڵام خەڵکی شارەکان چ
جۆرە ژیانێکی ناخۆش و ناهەموار دەگوزەرێنن لە نەدان و دواکەوتنی مووچەی
فەرمانبەران و قۆرخکردنی بازاڕ بە
دەستی چەند بەرپرسێکەوە.. هەروا
هەبوونی ئەو جیاوازییە
گەورەیەی نێوان خەڵکی هەژار و کەم دەرامەت لەگەڵ خەڵکانی دەوڵەمەند و
دەسەڵاتداران لە ناو گشت دامودوزگایە
حکومییەکان!
هەر شوێنێک ئەگەر مرۆڤ
تێیدا ئاسوودە و دڵخۆش
نەبوو و یەکسانیی
کۆمەلایەتی و سیاسیی
تێیدا بەرجەستە و سەقامگیر نەبوو
جا ئەو شوێنە بە گوند یان شار یان پارێزگا ناوی
ببەن هیچ جیاوازییەکی نییە، هەر بۆیە هەڵەبجەش ئەگەر بارودۆخی سیاسیی و
ژیانی خەڵکی کوردستان هەر بەو شێوەیەی ئێستا بەردەوام بێ ئەوە نەک هەر
بکرێ بە پارێزگا بەلکو بکرێ بە پایتەختی کوردستانیش
پێموانییە هیچ لە
ئازار و خەمەکانی خەڵکەکەی کەم بکاتەوە..
ماڵپه‌ڕی ئه‌رسه‌لان
سافیە
|
