|
|
|
١٠\١٠\٢٠١٢ ته‌وه‌ری پیاوان لە روانگەی ژنانی یەکسانییخواز. - ١٢ -:
سازادانی: پایزە ئەحمەد
لەوڕۆدا زۆربەی پیاوان - هەر یەکەو بە گوێرەی بیروباوەڕی خۆی - بە گفتار دان بە یەکسانیی نێوان ژنان و پیاواندا دەنێن.. بەڵام بێجگە لە کەمایەتییەکی زۆر کەمیان زۆربەی هەرە زۆریان لە رەفتاردا پیاوسالار و چەوسێنەرن! بە بەدووداچوونی ئەوەی کە ئایە کێشەکان و هۆکارەکان چین؟ بەو چەند پرسیارە پەیوەستدارە ژنان دەدوێنین:
پایزە ئەحمەد:
ئایە خودی پێکهاتەی سروشتی پیاو وەک رەگەزی نێر پیاوان بەو جۆرە
ئافەریدە دەکا؟ یان ئەوە دابونەریت و دین و دەسەڵاتە پیاوان بەو شێوەیە
بەرهەم دەهێنن کە هەن، یان هەردوو هۆکار هەر یەکەو بە ئاست و جۆرێک
کارتێکردنی خۆیان هەیە؟
شلێر باپیری:
تەنیا پیاوان ھۆکار نین و لە کۆمەڵگەی دواکەوتووی ئێمەدا کە پێناسەی
شتەکان ئاڵۆزە و ھیچ شتێک لە جێگەی خۆیدا نییە، ھەر تاکێک بە ژن و
پیاوەوە لە ئامادەکردنی بواری چەوساندنەوەی ژنان و سەپاندنی سیستەمی
کۆمەڵایەتیی پیاوسالارییدا بەشدارن، بەڵام پیاوان پتر ئەم رۆڵە دەگێڕن
و بێگومان ناھۆشیاریی ژنانیش یەکێک لە ھۆکارە گرنگەکانی چەوساندنەوەی
خۆیانە. ئەویش لەبەر ئەوەیە کە ژنانی کۆمەڵگەی ئێمە بەشێکیان بە ھۆی
نەخوێندەوارییەوە، نە شوناسی خۆیان دەناسن و نە شارەزای دەرفەتەکانی
مافی مرۆڤیشن.
شلێر باپیری: دەسەڵاتی سیاسیی لە ھەر وڵاتیکدا لە دابینکردنی ماف و سەپاندنی ئاسایشی کۆمەڵایەتی بۆ ھەموو تاکەکان بە ژن و پیاوەوە بەرپرسە. بەو لێکدانەوەیە ئەرکی حکومەت زۆر ھەستیارە. حکومەت چ لە وڵاتانی دیموکرات و چ لە وڵاتانی دیکتاتۆردا، ھەڵقوڵاوی کەلتووری کۆمەڵگەیە. وڵاتێک کە دیموکراسی و مافی مرۆڤ چووبێتە ناو کەلتوورەکەیەوە، نە حکومەتی دیکتاتۆر بەرھەم دەھێن و نە مافی مرۆڤیش پێشێل دەکا. بە بڕوای من ئەوە روانینی پیاوی کۆمەڵگەی پیاوسالار و ژنی بەرھەمهاتووی ئەم کۆمەڵگەیە کە ھانی ژنکوژیی دەدا و بە بیانووی پاراستنی ئاین و شەرەف و ئەو شتانە پاساوی بۆ دێنێتەوە. کارە ناوازەکانی وەک ژن بە ژن، کچ بە بەرخوێن دان، بە کابان حیسابکردنی ژن، پاراستنی ئابڕووی خێزان، ژیانی ھاوبەشی بەزۆرەملێی نێوان خزمان و پێشگیرییکردن لە دڵداریی و خۆشەویستیی بەر لە زەماوەند و زۆر ھۆکاری دیکەش ئەو دیاردانەن کە کەلتووری ئێمەیان پێکھێناوە و سەرجەمیان ھۆکاری بەردەوامیی ژنکوژیین. ئەرکی حکومەت کە پتر لە دەستەبژێرەکانی کۆمەڵگە پێک ھاتووە، ئەوەیە کۆشش بکا ھەموو ئەو دیاردانە لە ناو کۆمەڵگەدا لەنێوبەرێ، ئەو کات ژنکوژیی کە دەرئەنجامی ئەو دیاردانەیە لەنێودەچێ.
شلێر باپیری:
تا ئێستا ژیانی ھاوبەشم پێک نەھێناوە کە بزانم بەرانبەری چۆن دەبم. بۆ
باب و برا و دواتر پیاوانی کۆمەڵگەکەمان، ھەستم بە چەوساندنەوەی ئەوتۆ
نەکردووە، بەڵام وەک ھەر ژنێک ھەستم بە جیاوازیی رەگەزیی کردووە کە
منیش لەو جیاوازییەدا بێبەش نەبووم. __________________________________ * شلێر باپیری / رۆژنامەنووس و چالاکی بواری مافی ژنان.
_________________________________________________ لینکی وەڵامەکانی هەموو بەشداربووەکان: www.emrro.com/teweripiyawanle.htm
|
|
|
شلێر
باپیری: بە بۆچوونی من ئەوە کۆمەڵگەیە کە مرۆڤەکان بەو شێوەیە
کە ھەن، ئاراستە دەکا. کۆمەڵگەی ئێمە پیاوسالارە و پیاو لە ژن
باڵادەسترە. وا نییە تەنیا سروشتی پیاو خۆی وابێ، ئەوە ھەموو تاکەکانی
کۆمەڵگەن کە لە بەرھەمھێنانی ئەم جۆرە پیاوانەدا بەشدارن، دین،
دابونەریت، باردۆخی ئابووریی و پەیوەندییە کۆمەڵایەتییەکان کە بە گشتیی
کولتوور یان فەرھەنگی کۆمەڵگە پێک دێنن، ھەر یەکەیان لە جێی خۆیاندا بە
رێژەیەک ھۆکاری بەردەوامیی پیاوسالاریین.