|
|
|
٣\٩\٢٠١٢ تەوەری ساغکردنەوەی چەمکی یەکسانیی لە گفتارەوە بۆ رەفتار. - ١٠ -:
سازادانی: نەجیبە مەحمود
بارودۆخی جڤاکیی و پرسی یهکسانیی نێوان ژنان و پیاوان، قسه و باسی زۆر ههڵدهگرن، هەڵبەتە سەرەکییترین و پڕ بایەخترین خاڵی چەمکی یەکسانیی بریتییە لە ساغکردنەوەی ئهو چهمکه له گفتارەوە بۆ رەفتار، پێمان باش بوو تهوهرێکی تایبهت لەو رووەوە ساز بدەین، هەر بۆ ئەو مەبەستە هێندێک نووسەر و رۆژنامەنووس یاخود هێندێک لەو کەسانەی کە له بواری چالاکیی رێکخراوهکانی کۆمهڵگهی مهدهنی چالاکن یان هەر خۆیان وەک تاک چالاکیی لەو بارەوە دەنوێنن.. دەدوێنین و بە هاوکاریی ئەم ماڵپەڕە وەڵامەکانیان بڵاودەکەینەوە.
نەجیبە مەحمود: بەڕێزت وەک کەسێک کە بانگەشەی یەکسانیی نێوان ژنان و پیاوان دەکەی و خوازیاری ئەوەی ژنانیش وەک پیاوان لە گشت ماف و ئازادییەکان بەهرەمەند بن.. دەکرێ لە کار و چالاکییەکانت لەو بارەوە بدوێی کە بە گفتار یان بە رەفتار ئەنجامت داون؟
نەجیبە مەحمود: ئایە ئێوە وەک پیاوێک بە هەمان شێوەی هەر ژنێک - جا ئەو ژنە هاوسەرتە یان کیژ یان خوشک یان دایکتە یان هەر ژنێکە کە لەگەڵی دەژی - کاری خزمەتگوزاریی نێو ماڵ و بەخێوکردنی منداڵ ئەنجام دەدەن؟
نەجیبە مەحمود: ئایا ئەگەر هاوسەرکەت یان کیژ یان خوشک یان دایکت یان هەر ژنێک کە لێتەوە نزیکە هەڵسوکەوتێکی سێکسیی لە دەرەوەی هاوسەرگیریی ئەنجام بدا وەک ئەوەی کە ئەگەر تۆ ئەنجامت دابێ یان ئەنجامت داوە.. هەڵوێستت چی دەبێ؟ ئایە هەر هەمان هەڵوێستت دەبێ بەرانبەریان وەک ئەوەی لە بەرانبەر کوڕ یان برا یان باوکت یان خۆت دەتبێ کە هەمان هەڵسوکەوتی سێکسیی ئەنجام دەدەن؟ ئەگەر نا.. ئایە یەکسانییخوازییەکەت نابێتە قسەیەکی رووت و بێ کردەوە؟
نەجیبە مەحمود: لهگهڵ ئهوهی پیاوانن ئهنجامدهری دهستدرێژیین بۆ سهر ژنان، هاوکات ههر ئهو پیاوانهن که ژن به شهرهفی خێزان دەزانن، تۆ ئهو دوو جۆر ههڵسوکهوت و دوو کهسایهتییەی پیاوان چۆن هەڵدەسەنگێنی؟
فەرهاد کەریم: ئەمە درۆیەکی گەورە و خۆهەڵخەڵەتاندنی پیاوی ئەو وڵاتە نوستوو و بۆگەنانەیە چونکە خۆیان هێندە پیس و پۆخڵن لە هیچ شتێکی قێزەون لانادەن و کاری خراپ و قێزەونیش نەماوە نەیان کردبێ.. باوەرم بەو وشەش نییە ئامادەیی هەبێ.. ئیتر گەر هەشیانبێ بەرمۆدە قووتی داوە و با لە بەرمۆدە بپارێنەوە بیانداتەوە، پیاوی کورد لێرە دەناسم هاوسەرەکەی لە وڵات سفوور بووە کەچی لێرە وەکو ژنانی ئەفغانیی سەردەمی رژێمی (تالەبان)ی لێ کردووە و کچەکانیشی لەو بازنە داخراو و کوشندەیەی باوکیان هەڵاتوون، وا دەزانێ لێرە خەلک هیچ کاری نییە تەنیا پراکتیزەی بەدرەوشتیی ئەو دەکەن، زووتر لە خوشکەکانم دەبیست و دەیانگوت خۆزیە ئێمەش بە کوڕ لە دایک بوونایە، ئەو پرسیارەم لە هاوسەرەکەم کرد حەزت دەکرد نێر بای؟ بە پێکەنینەوە گوتی: ''نەخێر.. گەر جارێکی دیکەش لە دایک ببمەوە هەر حەز دەکەم بە مێینە لە دایک ببمەوە'' هەندێک قسەی تریشی کرد بەڵام ئێرە جێی ئەو باسانە نییە. واتە ئەوە ژینگەی شمشێرەکانە دەڵێن ژن شەرەفی پیاوە، لێرە نە ژن نە پیاو شەرەف نین، گەر لێرە گۆتنێکیان بە دڵ نەبێ دەڵێن گەورە بە.. واتە خۆت رزگار کە، منیش دەڵێم (خۆت بە پیاو.. خۆت رزگارکە).
___________________________________________________ لینکی وەڵامەکانی هەموو بەشداربووەکان: www.emrro.com/tewerisaxkirdinewe.htm
|
|
|
فەرهاد
کەریم: رەنگە بۆ من ئالۆز نەبێ ئەو
مافەی بۆ خۆمی بە رەوا دەبینم بۆ رەگەزەکەی تریش، لە نێوانی سێ خوشک و
چوار برا، دوو خوشک و دوو برای لە خۆم گەورەتر.. تێڕامان و خوێندنەوەم
جارانم چۆن بووبێ، من هەمیشە لە بەرەی داکۆکیی لە خوشکەکانم بووم. ئەو
کاتیش هەستم بە خۆشەویستیی و نەرم و نیانیی و رێزی ئەوان دەکرد، ئێستاش
زانست ئەوەی سەلماندووە نێرینە شەڕانگێز و خۆپەرست و توندڕەو و
هێزپەرست و بەرژەوەندخوازە، لەگەڵ کرانەوە و پەروەردەی کۆمەلایەتی
گۆرانکاریی روویدا وەک ئەوەی ئێستا دەبینین، بەڵام بۆ ئێمەی خەڵکی
رۆژهەلاتی ناوین گۆرانکارییەکان لە خێرایی کیسەل تێپەڕی نەکردووە، خێل
و هۆز و بنەماڵە و ئاین و هزری بۆگەنی ژینگە کۆمەڵایەتییەکە و باڵای
کەم هزریی لە قوتابخانە و گەڕەک و پەرستگا و زانکۆش ئامادەییان هەیە...
پیاو هێندە وتە و پەندی ناشیرین دەرهەق بە ئافرەتان دەڵێن وەک ئەوە
وایە لە ئافرەت نەبووبن، تا نێرینە خۆی بە خاوەنی مێینە بزانێ، ئەو
بێرێزیی و شکاندن و وێرانکردنی جوانیی و خوێنڕشتنە کۆتایی نایێ، دەبێ
ژنان دەنگی خۆیان بەرزترکەنەوە.. شۆڕشێک هەڵگیرسێنن و بڵێن ئێمە خۆمان
خاوەنی خۆمانین، من هەر زوو لە ئازاری گەورەی ژن و ئەو نایەکسانییە
گەیشتم. خوشکە گەورەکەم مێردەکەی لە پێشمەرگایەتی تێدا چوو، ماوەیەکی
زۆر بە بێوەژنیی مایەوە، وەرە دڵی ئەو خوشکە راگرە لە ناو ئەو ژینگە
بۆگەن و لە ناو ئەو نەخوێندەوارانە، بەشداریی خەم و ئازاری خوشکەکەمم
دەکرد، بە هەموومان هەوڵمان دەدا ژیانی پارێزراو بێ لە قسە و قسەلۆکی
دەوروبەر و شتی تریش، چونکە هەموو رەفتار و هەڵسوکەوتێکی بە خەوش
تەماشا دەکرا و لە ژێر چاودێرییەکی توند دابوو، تا شووشی کرد هەر
رەشپۆش بوو، هاوسەرەکەی بۆ کورد بووە قوربانیی و خوشکەکەشم گەنجێتیی و
جوانییەکانی بوونە قوربانی قوربانیی. لە شیعری (توتنە دوعا) - بۆ
(دوعا)کان نووسراوە - قسە لە سەر ئەوە دەکەین بەهەشت لە ژێر پێی
دایکانە، ئەو بەهەشتەی کە پێی دەڵێن (دایک.. خوشک.. هاوسەر) بە دەستی
خۆمان وێرانی دەکەین، تا هۆشیار نەبین ناکرێ قسەگەلێک لە سەر بابەتێکی
وا پەیوەنددار بکەین، هۆشیارییمان پێویستە، شەرمە بۆ من لە سەر
تەوەرێکی وا قسە بکەم چونکە ژن و پیاو بۆ من مرۆڤن، پێویستە پتر کار
لەسەر پیاو یا نێرینە بکەین چونکە پیاوە دڕندەیە، ژن جوانە.. ناسکە..
پیرۆزە.. خوشکە.. دایکە.. هاوسەرە.. هاورێیەکی میهرەبانیشە.