٢١\٩\٢٠٢١

تکایە دۆسیەکانی جینۆساید و کیمیاباران

مەکەنە بانگەشەی ھەڵبژاردن.
 

ھەر کاتێک ھەڵمەتی ھەڵبژاردنەکان کوردستان و عێراق دێنە پێشەوە وەک لە رابردوو بینیومانە، لیست و حیزب و بەربژێرەکان کە ھەندێکیان نە پێشتر و نە دوای ھەڵبژاردنەکە دۆسیەکانی جینۆساید کاری ئەوان نەبووە، ئەم دۆسیەیانە دەکەنە بابەتی بانگەشەی ھەڵبژاردنی خۆیان، لێ دواتر کە دەگەنە پەرلەمان، ئیتر جینۆساید و قوربانیانیان لە بیرنامێنێ و ئەو ئازایەتییەیان نامێنێ رەخنە لە ھەڵوێستی حیزبەکانیان بگرن لە بەرامبەر تاوانباران وەک لە رابردوو ئەزموونمان کردووە، رەخنەکانمان روو لە حکومەت و حیزب و لیست و کەسەکانە، روو لە ئەزموونەکانی رابردووە، بۆ دووبارە نەبوونەوەیان لە ئێستا و داھاتوو.

ئێمە لێرەوە داواکارین ھیچ لیست و لایەن و کەسێک دۆسیەی جینۆساید و کیمیاباران نەکاتە بانگەشە بۆ دەنگ کۆکردنەوە، کارکردن بۆ ئەو دۆسیەیانە کارێکی رەوشتەکیی و ویژدانییە نەک کۆکردنەوەی دەنگ بۆ کەس و لیست و حیزب.

١- رێکخراوی کوردستان بێ جینۆساید
٢- تۆڕی رێکخراوە کوردستانیییەکان بۆ دادگای تاوانی نێودەوڵەتی
٣- رێکخراوی ھەڵمەتی دادپەروەریی
٤- رێکخراوی مانەوە بۆ پرسی شەھیدان و ئەنفالکراوان
٥- گرووپی کار بۆ ئەنفال
٦- رێکخراوی گەشەپێدانی مافی مرۆڤ
٧- رێکخراوی چاودێری کوردۆساید-چاک کوردستان
٨- کۆمەڵەی داکۆکیی لە پرسی ئەنفال
٩- رێکخراوی ئەنفالەکانی کوردستان
١٠- رێکخراوی عەرعەر بۆ داکۆکیی لە نەوەی شەھیدان و ئەنفالکراوان
١١- رێکخراوی ناسنامە
١٢- رێکخراوی ئاسۆی زیندنیانی ئەنفال
١٣- تۆڕی ئایکان کوردستان
١٤- رێکخراوی قەدەغەکردنی چەکی کۆکوژ لە کوردستان
١٥- رێکخراوی جیھانێکی بێ چەکی کیمیاویی و بایەلۆجیی
١٦- ھەڵمەتی ژیان دژ بە ئیعدام لە کوردستان