١٥\٢\٢٠١٥
ترس لە مەلا
کرێکار ترسێکی بێ ھوودەیە.
پێشڕەو حەمید
یەکێک لە کێشە
گەروەکانی دیموکراسیەت ئەوەیە کە ئەبێت گوێ لە گەمژەکانیش بگریت و
بێدەنگ بیت تا قسەکانیان تەواو دەکەن، وەک
چۆن جوانترین ڕووکارەکانی دیموکراسەتیش
ئەوەیە کە سەربەستانە ھەڵدەبژێریت و لێشی
دەڕوانی.
زۆر کەس نیگەران بوون لە کەناڵەکانی
رووداو و ئێن ئاڕتی و دواندنەکەی
مەلا کریکاریان بە کوفرێکی گەورەزانی و زۆر
کەسیش داوای سنووردارکردنی سەرکێشیەیکانی
ئەو کەناڵانە دەکا!!
مەلا کریکار لە دیدارە نوێیەکانیدا
شتێکی نوێی نەوت و ھیچ تری زیاد نەکرد بۆ سەر ئەو قسانەی کە پێشووتر
دەیکردن تەنھا ئەوە نەبێ "خۆگێل کردن و
خۆلادان و درۆ"کردنێکی نالوژییکیانەی زیاد کرد بۆ
سەر خووە تایبەتییەکانی، ئەویش ئەو
کاتەی کە وتی داعش نـاناسم لە کاتێکدا داعش
منداڵە بێ زمانەکەی تەنیشت مزگەوتەکەی
لای ماڵ ئێوە و درواسیێ نوێیەکەی لای ماڵ
ئەوانیش بە باشیی
داعش دەناسن!! مەلا کریکار ڕاستگۆیانە و
ناڕوشنانە قسەی لە بارەی ناخی خۆیەوە کرد و
ئەوەش گرنگە کە کۆنە شوێنکەوتووەکانی و تازە
عاشقەکانی ھەڵوێسەکانی بزانن و نەیارەکانیشی زیاتر لایەنی لاوازی ئەو
وەدەستبخەن.
مەلا کرێکار زیندان نەیتوانیبێ کە وەھای
لێبکا دونیا جوانتر ببینێ و باشتر و سەردەمیانەتر گفتۆگۆ
بکا و تا ئێستاش زمانی پڕە لە جنێو،
ئیتر ئەوە ئەوپەڕی دەبەنگییە کە
دەرکەوتنەکانی ببێتە مایەی ترس و نیگەرانیی
و زۆر کەس خۆیان سەخڵەت بکەن؟ چونکە ئەو
مەلا کرێکارە کەسێکە وەک ئەو ھەموو کەسانەی
تر کە لە باشترین باری تەندروستیی و دەروونیی
خۆیاندا خراپترین فەتوا ئەدەن بۆ بێ بەھاکردنی مرۆڤ و کوشتنی
جوانییەکانی ژیان و ژیانی مرۆڤایەتی.
دەکرێ مەلا کرێکار نەکرێتە بیانوو
بۆ بەرتەسککردنەوەی مەوداکانی ئازادیی و
دەمکوتکردنی کەناڵە ناحیزبییەکان چونکە
سەردەمی مەلا کرێکار بەسەرچووە
و چەندیتـر رادیکاڵانە قسە بکا و
بیربکاتەوە، ھێشتا ناتوانێ پێش بیری توندڕەوانە داعشێکی ئاسایی "
کەنداو و چیچان" بکەوێ لە
کاتێکدا میللەتی ئێمە وەختە کۆتایی
بەو داعشە تاریکبین و دڕندانە بھێنێ و
سەردەمێکی نوێ دەستپێبکا، ئەوەی گرنگە بۆ ئێمە ئەوەیە کە لە
دوای کۆتاییھاتنی داعش
رێگە نەدەین ئەو داعشە کورد زمانانە
ثێیەکانیان بخەنەوە ناو خاکی کوردستان و
رێگەش نەدەین ھیچ ھەوڵێک سەرکەوتوو
ببێ بۆ بەرتەسککردنەوەی ئازادییەکان.
ماڵپهڕی پێشڕهو حهمید
|