١٨\٢\٢٠١٣

    ترووسکه‌ی رۆح.

بنار به‌کر

وه‌ ده‌زانی
ته‌نیا تروسکه‌یه‌‌کی رۆحت
       من پڕ ده‌کا له‌ بوونی خۆت
توێنوێتیی دورییت ده‌شکێنێ و
       بوونم دروست ده‌کا له ‌بوون
وای لۆ ده‌چی!!
ئه‌ی نازانی
    نه‌ک ترووسکەیەک
          به‌ڵکو ته‌واوی رۆحیشت
به سانایی
تێری ناکا.. پڕی ناکا
    خولیای پڕ ‌حه‌ز و ویستی من
    لۆ ئامێزت
          لۆ .....! لۆ .....! ...
دە تێبگە لێم:
من له‌ تۆدا خۆم ده‌بینم
   له نێو تۆدا گوزه‌ر ده‌که‌م
      هه‌ر له‌ تۆدا دێمه‌ بوون و
         له‌ نێو تۆشدا بزر دەبم.

roshin.shadi@yahoo.com