|
١٨\١٠\٢٠١٣
تۆ
هه‌ر له دڵی من دای.
دەریا.
١
هێندە
له تۆوه نزیک بووم
که خه‌ڵکی تر
به ته‌نیشتمه‌وه تێده‌په‌ڕن
هه‌ست به سه‌رما ده‌که‌م
تۆ... ته‌نها تۆ...
لێمه‌وه نزیک به!
٢
گه‌ر به ناوی تۆ
ده‌ستم پێکرد
له ئاکامدا ده‌گه‌م
به خودی خۆم
له کۆتاییش هه‌ر
ده‌گه‌مه‌وه
به تۆ...
چونکه
له ناخی من تۆ هه‌یت!
٣
له ئامێزت بگرم
قژی ره‌شت
تێکه‌ڵ به قژم ده‌بێ
هه‌ر هه‌مان شێوه‌ی ده‌ستم و
بۆنی ئامێزمت هه‌یه
سێبه‌ره‌که‌م
ونت ده‌کات
هه‌روه‌ک به‌ردێک به ئاسمانه‌وه!
٤
ده‌زانی...
تاکو شه‌پۆڵی رووناکی
له نێو ماچدا
به گه‌رم و گوڕیی
ببریسکێته‌وه
تاکو شنه با
بۆن و به‌رامه‌ی گوڵ بپرژێنێ
تاکو ئه‌ستێره‌کان
له ئاسمان بجریوێنن
تۆ هه‌ر له دڵی من دای!
٥
بیرت بێت...
تاکو زانست بێ په‌روا
پایدۆزی دۆزینه‌وه‌ی
سه‌رچاوه‌کانی ژیان بێ
تاکو هه‌ڵدێره‌کانی ده‌ریا و
فراوانی ئاسمان
له به‌ره‌نگارییدا
بن
باران و بیابان
چاوه‌ڕوانی یه‌کتر بن
تۆ... ته‌نها تۆ..
له ئامێزمای!
٦
ئه‌و رۆژانه بیر ناچنه‌وه
به بێ ئه‌وه‌ی لێومان
بزه‌یه‌کی لێ سه‌وز بێ
دڵمان خۆش بوو
به شادیی ده‌رده‌که‌وتین
هیچ فرمێسکێ
کانیی چاوه‌کانی
جێنە‌ده‌هێشتین
بۆ ئه‌وه‌ی
له چاوی یه‌کتر
بمێنین و
له دڵی یه‌کتر
ژیان بکه‌ین!
٧
ده‌بێ پێم وت بی
تاکو دڵ و مێشک
به‌رده‌وام
له‌ململانێدا بن
تاکو هیواو ئاوات و بیره‌وه‌ری
له‌ئارادا بن
تۆش له‌خوێنمی و
به‌نێو دڵم گوزه‌رده‌که‌ی!
٨
بیرت ده‌که‌م
تاکو چاوه‌کان
ره‌نگی ئه‌و چاوانه ده‌ده‌نه‌وه
که لێیان ده‌ڕوانن
تاکو ده‌م و لێوه‌کان
به ئاھـ و ناڵین
وه‌ڵامی لێوانی تر ده‌ده‌نه‌وه
تاکو ماچێک
دوو جه‌سته ئاوێته ده‌کات
تاکو ناوی رۆمیۆ و ژولێت
بێت
تۆش هه‌ر ده‌مێنیت
له نێو جه‌سته
و رۆحی مندا!
ماڵپه‌ڕی دەریا
|
