سەربەخۆیی کوردستان و دامەزراندنی دەوڵەتێک کە بە لایەنی کەم رێز لە ماف و ئازادییە سەرەتاییەکانی خەڵک بگرێ بەو هێزە چەکدارییە خێڵەکیی و میلیشاییەی یەکێتی و پارتی و ئەو چەکدارانە وەدەست نایێ کە چەکدارییان وەک کاسبیی وەرگرتووە و وەک پاسەوانگەلێکی بێ باوەڕ و بەکرێگیراو پاسەوانیی لە بەرژەوەندییە تەسکەکانی حیزبەکان و ئەو سەرۆک مەرۆکانە دەکەن کە تا ئێستا هۆکاری هەرە سەرەکیی بوونە لە لەباربردنی سەربەخۆیی کوردستان و نەبوونی ماف و ئازادییەکان و ئەو ژیان و گوزەرانە پڕ لە چەرمەسەرییەی کە ئێستا خەڵکی کوردستان تێیدا دەژیێ.. ئاخەر بە ناو سەرۆکێک کە تەنیا لە خەمی چەکدارە جەلادەکانی خێڵەکەیەتی و تەنیا لەبەرئەوە نایەوێ کەرکووک بگەڕێتەوە سەر هەرێمی کوردستان چونکە هێزێکی دیکەی کوردی تێیدا باڵادەست دەبێ! ئاخەر بە ناو سەرۆکێک تەنیا لەبەرئەوەی سلێمانی لە بن دەستی خۆیدا نییە و دڕندەکانی ماڵی تاڵەبانی و نەوشێروانی خوێنڕێژ تێیدا حاکمن ئەوپەڕی هەوڵی خۆی دەخاتەگەڕ تا کاولتری بکا! ئاخەر بە ناو سەرۆکێک لەوەتەی هەیە بە دەسیسەی داگیرکەرانی کوردستان خەریکی پیلانگێڕییە دژ بە هەر هێز و لایەنێکی پارچەکانی دیکەی کوردستان کە ملکەچی ئەو نابن... چۆن چۆنیی لە ژێر سەرپەرشتیی ئەودا ناوچە داگیرکراوەکان دەگەڕندرێنەوە و کوردستانێکی سەربەخۆ دادەمەزرێ؟! مەگەر تەنیا لە دەرەوەی ویستەکانی ئەو و بە هۆی چاوتێبڕینی دەسەڵاتدارانی ئەمەریکا و تورکیا و ئیسرائیل و وڵاتانی دیکە لە سەروەت سامانی کوردستان وڵاتێکی سەربەخۆی پڕ لە کێشە دابمەزرێنن ئیدی ئەو سەرۆک خێڵەش وەک نەفتفرۆشێکی بێ دەسەڵات و بێ نرخ بە ناوی سەرۆک لە کوردستان دابمەزرێنن، ئەگینا بە پشتبەستن بە چەکداری کاسبکار و پاسەوانی گەندەڵیی هەر دەبێ بۆ خۆمان ببێژین: ''وا هاتن چەکدار و رێگرێن مە.. دینار و دۆلار ل بەژنا وان، ئەوێن خۆڵا چاوێن مە.. دزیی و گەندەڵیی ل دەستێن وان''!!