١٩\٤\٢٠٢٦

خەزاڵە شۆڕی سابڵاخی!

برایم فەڕشی       

لاس و خەزاڵ، خەج و سیامەند، سەیدەوان، مەم و زین و زۆربەی بەیتی کورد، بە تراژێدی کۆتایی پێدێت، وەک ژیانی خەزاڵ و خەزاڵەکان. زۆربەی ڕابەرانی سیاسی کورد وەک شێخ سەعید و سەید ڕەزا ، سمکۆ، قازی، قاسملو، شەرفەکەندی، شەفیعی و زۆریتر، ژیانیان بە تراژێدی کۆتایی هاتووە. کارەساتەکانی دەرسیم، هەڵەبجە، ئەنفال، قاڕنا و قەڵاتان، گێڕانەوەی ژیانی تراژیکی نەتەوەی کوردە.

کورد خۆی لە حاند ئەم تراژێدی و کارەساتانە بە شیعر و سروود و ڕۆڕۆ دەلاوێنتەوە و بە شەهید ناوهێنانی کوژراورکانی خۆی لە ناو فەرهەنگێ هێرشبەران و داگیرکەرانیدا، دەبینێتەوە. بە خوێندنەوەی شیعر و سروود جۆشوخرۆش و هەستی خۆی دەژێنێتەوە و بیر و هزر و بیرکردنەوە لە جێدا دەمێنێتەوە، بەم چەشنە ڕێگا بۆ دووبارەبوونەوەی کارەسات، ئاواڵە دەهێشترێتەوە.

هەر نەتەوەیەک بە وانە وەرگرتن لە کارەسات و هەڵەکانی، ڕێگای نوێ دەگرێتەوە و ڕێگای کۆن دووبارە ناکاتەوە. ئەوەی تووشی هۆلۆکۆست کرا، خۆی لە سەربەخۆیی خۆی و نیشتمان و خەڵکەکەیدا، دیتەوە. خاوەنی دەرسیم، هەڵەبجە، ئەنفال، قاڕنا و قەڵاتان و شەنگال، خۆیان لە ناو جەغزی داگیرکەرانی خاک و خەڵک و قەوارەی خۆیاندا، دیتۆتەوە.

مەرگی خەزاڵەکان تێگەیشتن و سیاسەت و هەڵسوکەوت و لە ناو جەغزەکان مانەوەمان، لەقاودەدەن!

١٧\٤\٢٠٢٦
ماڵپەڕی برایم فەڕشی