|
١٠\١٠\٢٠١٣
یەکێتیی
نیشتیمانیی دەبێ کوێخاکانی خانەنشین بکا؟
پێشڕەو حەمید
یەکێتیی ئێستا لە نێوان دوو بەرەدا خۆی قەتیس کردوە، بەرەیەک
بەھیوایەکەوە لە پلنیۆم و کۆنگرەی ئایندەی دەڕوانێت کە نوێی بکاتەوەو
کۆی ئەو ھەموو بیرۆکراسیەی ئەو حیزبەی وێران کردوە کۆتاییان پێبھێنێت،
بەرەکەی تر ھێشتا خەون بەوەوە دەبینن ئەو شکستەی ٢١ی ٩ نەبێتە کۆتای
گەمەکەیان و ھێشتا ھەرباڵادەستبنن و زیاتر دەست لەبینی یەکێتیی گیربکەن
لەپێناو پاراستنی بەرژەوەندیەکانی خۆیاندا.
گەورەکانی ناو یەکێتیی یان کۆیخاکانی ناو مەکتەب سیاسیی یەکێتیی کۆی
ئەو شکستەی ٢١ی ٩ بە پلەی یەکەم دەبەستنەوە بە تەسلیم بونیان بەئیرادەی
"پارتی" وھێشتا قسە لەسەر بێ وەفای ئەندامانی دەکەن بۆ یەکێتییەکەیان و
کەسیان خۆی بەبەرپرسیار نازانێت لەئاست ئەو گەڕاندنەوەی یەکێتیی لە
پارتێکی پلە دووە بۆ پارتێکی پلە سێ و ھەمویان خواری خویان تۆمەتبار
دەکەن و تائەم ساتەیش کەسیان جورئەتی ئەوەی نەکرد خۆیی بە ھۆکارێک
بزانێت بۆ ھاتنەخوارەوەی کیرڤی یەکێتیی لەھەڵبژاردنەکەی ٢١ی ٩ دا؟!
پاشکۆبوونی پارتی و درێژکردنەوەی وادەی سەرۆکایەتی ھەرێم بەشێکی بچوکی
ھۆکارەکانی ئەو پاشاگەردانیەی بیرکردنەوە و سیاسەت کردنەیە کە یەکێتیی
نغرۆکرد لە و ھەڵبژاردنەدا ! بەڵام بەشە گەورەکەی تری ئەو پێشنەکەوتن و
چەقبەستووەی یەکێتیی لە بەرفراوان بون گەورەبونی رێکخستنەکانی پەیوەندی
بە جیابونەوەی " نەوشیروان موستەفا و دروستبونی بزوتنەوەی گۆڕان "
ەوەبوو؟
ھۆکارێکی تر بۆ لاوازبونی یەکێتیی لە سنوری قەڵەمڕوی خۆیدا ، زەلیل
بونی چەند نھێنی یەکی ئیدرای یەکێتیی بوو لەبەردەم ڕەحمی
ڕاگەیاندنەکانی بزوتنەوەی گۆڕاندا و کوشتنی لەسەر خۆی یەکێتیی لەڕێگەی
ڕاگەیاندنەکانی گۆڕانەوە و شەڕی ڕاگەیاندی ھەردولاو یەکتر شکاندن ھەموی
بە قازانجی پارتی و زیانی یەکێتیی شکایەوە و ....ھتد و ئەمانەو چەند
ھۆکارێکی تری ناوخۆی یەکێتیی و تەسلیم بونی گەورەکانی ناو یەکتێی بە
بلۆکە قەبەکانی " پترۆدۆلار "!!
ئێستا یەکێتیی پێویستی بەوەنیە بۆ ئەو شکستەی بگرێت و ھێشتا قسە لەسەر
بێ وەفای ئەندامەکانی خۆی بکات لە ھێزەکانی ناوخۆ !! بەڵکو یەکێتیی
پێوستی بە خانەنشینکردنی زۆرترین ئەندام مەکتەب سیاسی ئێستاو
سەرکردایەتی خۆی ھەیە ، یەکێتیی دەبێت ئێستا خۆی بۆ شەرێکی فیکری
ئامادەبکات و لەناو خۆیدا کۆدەتا بەسەر ئەو ئەقڵانەدا بکات کە ھێشتا
ڕێگرە لە بەردەم پێشکەوتن و ھەستانەوەی یەکێتیی.
ماڵپه‌ڕی پێشڕه‌و حه‌مید
|
