|
٢\٤\٢٠٢٦
زارۆک وەک
ئامرازەک بەرهێنانێ!
شەرمین قاسو
 ئەز
هەردەم دژی هندێ مە کو زارۆک ببیت ئامرازەک ژ بۆ ب کارئینانێ و ل سەر
هزرەکا دیارکری وەرە پەروەردەکرن، ئەگەر خوە چ هزر و بیر ژی بیت. ژبەر
کو هەر چ جۆرە ئایدلوژیەک بیت، دەما کو تو دخوازی زارۆکی ل سەر
پەروەردە بکەی، ئەوی دەمی تو دخوازی کۆپیەکێ ژ هزر و بیرێن خوە دروست
بکەی.
بۆچی ئەز ل دژی هندێ مە کو زارۆک ببیتە ئامرازەک ژ بۆ ب کارئینانێ؟
وەکی ئەم هەمی دزانن، زارۆک ئەو هێزە یا کو پاشەڕۆژا ئەڤی گەردوونی ل
سەر دهێتە ئاڤاکرن، ئەگەر هاتو زارۆک بوو ئامورەک ئانکو ئامرازەک ژ بۆ
گەهاندنا مەبەستەکا دیارکری، د ئەوی دەمیدا ئەم مروڤەکێ بێ خوەستەک
پەروەردە دکەن. ئەو ب تنێ دێ ببیتە ئامرازەک ژ بۆ بکارئینانا مەبەستا
مە، بێ کو ئەم بزانین ئەم رێکێ ل گەشەکرنا مێشکێ وی/وێ دگرین، ل جهێ کو
ئەم وان فێری پرسیارێ بکەن. ئەم پرسیارێن وان سنووردار دکەین، خواستەکێ
وان سنووردار دکەین. ئەم وان دکەینە ئامرازێ بکارئینانێ ژ بۆ
بەرژەوەندیا خوە و جێبەجێکرنا ئەوان هزر و بیرێن خوە، ئەوێن کو ئەم
دخوازین گەشێ بکەن د ئەڤی گەردوونیدا، دا کو ئەو سیستەم یان ژی ئەو
ئایدلوژیایا مە دڤێت بەردەوام بیت. ئەوا کو ئەم هزر دکەین ژ بۆ
داهاتییێ زارۆکی یا باش بیت بەلکۆ یا خراپ بیت. چونکی دەم ل جهەکی نا
راوەستیت هەردەم دگهۆرینێدا یە، لومە پتریا ئایدلوژیان زیانێن مەزن
گەهاندیە مرۆڤایەتیێ ڕۆژب ڕۆژێ پتر دژایەتی دکەڤیتە ناڤبەرە
مرۆڤایەتیێدا.
ئەڤ هەمی بویەرە کو رووددن ژ بۆ هندەک کەسان نە دگرنگن. یا ژ بۆ وان
گرنگ بتنێ ئەوە کو ئایدلوژیا یا بەردەوام بیت ژ نەوەیەکی ژ بو نەوەیەکی
دی. پتریا هزر و ئایدلوژیان کار دکەن ژ بۆ دوویرکرنا مرۆڤایەتیێ ژ
پرەنسیپێن مرۆڤبوونێ. هەر جۆرەکێ ئایدلوژییێ کو تا ڕۆژا ئیرۆ گەشەکری،
بووینە سیستەم د ژیانا مە یا ئیرۆدا، بەرهەمێ هندەک دەیک و بابانە کو چ
ب مەبەست بیت یان ژی بێ مەبەست بیت، ئەوان دەیک و بابان یێن کو دخواستن
زارۆکێن خوە بکەنە کۆپییەک ژ هزر و بیرێن خوە، بەلێ دوماهیکیێ ئەو
زارۆک دکەڤیتە د بەرژەوەندیا ئایدلوژیەکا دیارکریدا. ل وی دەمی ئەو
زارۆک بوویە ئامرازەک و لدیڤ خواستەکا وان دهێتە بکارئینان و هەروەسا
دبیتە ئامراز ژ بۆ سیستەمەکی دیارکری، ژ هەمی پرەنسیپێن مرۆڤایەتیێ
دوویرکرینە. ئێدی دبیتە مرۆڤەک پڕانیا جاران دژایاتیا سروشتی دکەت. د
گەردوونیدا گهۆرینان ناپژرینە، دبیتە مرۆڤەکی هزر و بیر بەستیکری و نا
خوازیت گهۆرینێ بکەت. ل ئەوی دەمی ئەم مروڤەکی پەروەردە دکەین کو ژ
کوپییەکا دەم سەرڤەچۆی. وەک نموونە ئەم هزرا ئەفسانەیەکا دەستنیشانکری
یا دەم ب سەرڤەچۆی د مێشکێ وان دا بچینین.
لۆما ئەز دژی کۆپیکرنا زارۆکی یان ژی ببیتە ئامراز ژ بۆ مەبەستێن
دیارکری. جهێ کو ئەم زارۆکی بکەینە کۆپیەک ژ هزر و بیرێن خوە دڤێت ئەم
هەمی پێکڤە کار بکەین ژ بۆ ئاڤاکرنا زارۆکان، دڤێت دوویربیت ژ ئەڤێ
چەندێ داکو ل پاشەڕۆژێ نەبیت مەزنترین مەترسی سەر هەبوونا مرۆڤایەتیێ.
پێدڤیە ئەم وان بکەنە کەسانێن ئازاد د هەر بوارەکیدا کو بشێن دگەل
گهۆرینێ سروشت و گەردوونی بگونجیت و ب تایبەتی دگەل گهۆرینێن هشێ
مرۆڤایەتیێ، تا کو ئەم بشێن مرۆڤەکی دروست ئاڤا بکەین، خودان خوەستەک و
مێشکەکی ئازاد، پێدڤیە ل سەر مە ئەم زارۆکێن خوە فێری پرسیارکرنێ بکەین
دژیانێ دا کو بگەهیتە واتایا مرۆڤبوونێ د ئەڤی گەردوونیدا بەری هەر
تشتی.
١\٤\٢٠٢٦
sharmeenqaso@gmial.com
|
