٥\٣\٢٠٢١

بۆ هەر کەسێک کە دەخوازێ

بە شێوەی بەکۆمەڵ لە پێناو ئازادییەکان تێبکۆشێ.
 

'ناوەندی کاری ئازادیی دەربڕین' بڵندگۆی هەر دەنگێکی کپکراوە، داکۆکییکەرە لە هەر کەسێکی سەتەملێکراو، دەنگی هەموو کوردان و میللەتانی دیکەی نێو کوردستانە، بەرگریی لە هەر دەنگ و رەنگێکی چەوساوە و ژێر چەپۆکی دەسەڵاتدارانی کوردستان و تێکرای جیهان دەکا بێ هیچ جیاوازییەك لە رەنگ و شێوە و رەگەزیان، لە دین و نەتەوە و نیشتیمان و ناوچەیان، لە هزر و رامیاریی و فەلسەفەیان.

'ناوەندی کاری ئازادیی دەربڕین' بەشێکە لە ئێوە و هەر لە رێی ئێوەشەوە دەتوانێ ئامانجەکانی وەدەستبهێنێ، بۆیە پێویستی بە هاوکاریی و هاوپشتیی ئێوەی ئازاد هەیە؛ چ بە 'لایک'کرن و 'کۆمێنت' نووسین لەسەر ئەو بابەتانەی لێرە لە 'لە ئازادیی رۆژنامەگەریی' بڵاودەبنەوە یان بە ناردنیان بۆ هاوڕێیانتان، چ بە ناردنی بابەتەکانتان و ئاگادارکردنەوەمان لە پێشێلکاریی و کارەساتە ناهەموارەکان بۆ رێگرتن لە سەرکوتکردنی دەنگە ئازادەکان و هەراسانکردن و دەستبەسەرکردنی ئازادییخوازان لە لایەن دەسەڵاتدارانەوە، لە هەمووشی گرنگتر پەیوەستبوون و رێکخراوبوونی ئێوەی ئازادییخواز وەک ئەندام و دۆست و هاوکار ئەوپەڕی هێز بە رێکخراوەکەمان دەبەخشێ.

بە کورتییەکەی هەر جۆرە هاوپشتیی و هاوکارییەکتان بۆ 'ناوەندی کاری ئازادیی دەربڕین' کەش و بارودۆخێکی ئەوتۆ بۆ تاکی ئازاد دەڕەخسێنێ کە بتوانێ تێیدا گەشە بکا و توانایەکانی خۆی لە بەرفراونکردنی پانتاییەکانی ئازادیی و دەربڕین و بەرجەستەکردنی سەرجەم ئازادییەکان بخاتەگەڕ.
_______________________________________________
هەر کەسێک دەتوانێ لە رێی ئەو ئیمەیڵەوە (rojnamenus@yahoo.com) پەیوەندیی بکا یان لە رێی پەیجی AzadiyDerrin.
کارنامە و پەیڕەوی رێکخراوەکەمان: www.emrro.com/kpnkad.htm
 

ناوەندی کاری ئازادیی دەربڕین
٣\٣\٢٠٢١