په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

       فه‌رموو له‌سه‌ر ئه‌م لینکه‌ کرته‌ بکه‌ بۆ واژۆکردن بۆ لابردنی یاسای فره‌ژنی   

http://www.petitiononline.com/gonasaed/petition-sign.html

 

 

 

 

 

 نا بۆ یاساى فرەژنى و کۆیلەکردنى ژنان.

 


یاداشتنامه‌ی رێکخراو و کەسایەتى و لایەنەکان بۆ سەرۆکایەتى هەرێمی کوردستان.
 

بۆ به‌ڕێز مه‌سعود بارزانی / سه‌رۆکی هه‌رێمی کوردستانی باشوور .
دواى سلاو..


هەروەک ئاگادارن دوێنێ ٢٧\١٠\٢٠٠٨ پەرلمانى کوردستان لەکوبۆونەوەی خۆیدا بە هەندێک مەرجەوە بەندى فرەژنى لەیاساى پێشنیارکراوى بارى کەسێتی ، بەجیاوازى چەند دەنگیکەوە پەسەندکرد. پەسەندکردنى ئەم بەندە، نەک هەر بەماناى چاولێنه‌کردنى مافەکانى ژنانى کوردستانە بە یاسا و پێوانە جیهانییه‌کان، بەلکو راستەوخۆ چەسپاندنى یاساى هەلاواردن و وژێردەستەکردنى ژنانە بەیاسایەکى پیاوسالاریی کە لە بنەڕەتەوە لەسەر بنەماى جیاکارى رەگەزى دامەزرابێت.


ژنانى کوردستان کە ساڵه‌‌هاى ساڵه‌ بەدەست فەرهەنگى پیاوسالاریی و یاساکانى بارى کەسێتى عیراقیەوە ده‌ناڵێنن و بەهوى ئەوەى کە ماف و ئازادییە که‌سیی و مەدەنیەکانیان بە فه‌رمیی بۆ ناناسرێ، گیرۆدەى سەخترین و دژوارترین هه‌ڵومه‌رجی نابەرابەرى بوونەتەوە. کوشتنى ژنان بەبەهانەى شەرەف و خۆسوتاندن و دەیان دیاردەى دزێوى تر هەموویان ئاکامى ئەو بارودوخەن کە ماف و ئازادى کەسێتى ژنان چ لەهه‌ڵبژاردنی هاوسەر و چ لەجیابوونەوەدا بەفه‌رمیی ناناسرێ. ئەمە لەکاتێکدا کە بڕیاربوو ژنانى کوردستان لەژێر دەسەلاتى خۆماڵیدا لە هەرجۆره‌ یاسا و فەرهەنگ و مامەلەیەکى پیاوسالاریی و خێلەکیى و رەگەزپەرستى رزگاریان بێت و وەک هاولاتییەکى یەکسان مامەلەیان لەگەل بکرێ.


بەڕێز سەرۆکى هەرێم:


پەسەندکردنى فرەژنى پێچه‌وانەى مەدەنیەتى کۆمەلگاى کوردستان و ستانداردە جیهانیەکانى مافى ژنانە، تێپەڕکردنى یاسایەکى لەمجۆرە نەک هەر پیاوسالاریی و فەرهەنگى خێلەکیتى بەسەر ژنانەوە دەچەسپێنێ و بۆساڵه‌هاى ساڵ دەیهێلێتەوە، هاوکات بێحورمەتیەکى ئاشکرایە بەماف و کەسایەتى ژنان لەهەرێمی کوردستاندا. ئەمە جگەلەوەى کە ئەگەر ئەم یاسایە بریارى یەکجارى له‌سه‌ربدرێ، پشێویەکى کۆمەلایەتى بەدواى خوێدا دێنێ و بناغەکانى مەدەنى‌بوونىکۆمەلگا بەرەو رەگەزپەرستى و ئاپارتایدى جنسى رادەکێشێ.


کۆمەڵگاى کوردستان کۆمه‌ڵگای سەردەمى خێلەکان و کەنیزەک و چەند ژنە نییە، زەواج و جیابوونەوەى مەدەنى بەبڕیارى ئازادانەى ژنان و پیاوان، بەدوور لەهەر مامەلەیەکى ئایدیۆلۆژی و ئاینى مافى رەواى هەر تاکیکە و شارستانیەتى سەردەم ئەم مافەى بۆ هەمووان سەلماندووە.


ئیمە بۆئەوەى کۆمه‌ڵگای کوردستان لەشاڕێی شارستانیەت و مەدەنەیت دوانەکەویت و نه‌بێته‌ مەیدانیک بۆ بەربەرکانیی ئایدیۆلۆژى و ئاینى و بۆئەوەى پیاوسالارى و جیاکارى رەگەزى نه‌بێته‌ بنەماى دەسەلات و یاسا داوادەکەین کە:


رێگا نەدەن بەجێگیرکردنى فرەژنى لەیاسادا. و هیچ یاسایەک واژۆ نەکرێت کە جیاکارى رەگەزى لێدەکەوێتەوە و بەچاوى هاولاتیانى یەکسانەوە لەژن وپیاو ناڕووانی.


ئێمە داوا لەبەرێزتان دەکەین کە بەرپرسیارێتى مێژوویى خؤتان بنوێنن و بڕیارى پەرلەمان لەسەر چەسپاندنى فرەژنى لەیاساى بارى که‌سێتیدا هه‌ڵوه‌شێننه‌وه‌.


لایه‌ن و که‌سایه‌تییه‌کان:


{ئالا فه‌ره‌ج - سه‌رنووسه‌ری بلاوکراوه‌ی یه‌کسانی / فینلاند } - {سروه‌ فه‌ریق} { شیرین حه‌مه‌ عه‌لى} - { شیرن عه‌بدولا} - {شوکریە عه‌بدولا} - {سه‌میره‌ فه‌تحولا} - {گولاله‌ مه‌عروف} - {جوان حسێن} - {سندس} - {سه‌میرە محه‌مه‌د} - {گونا حسێن} - {به‌هار مونزیر - ریکخراوی به‌رگری له‌مافه‌کانی ژنانی عێراقی / نه‌رویج} - {سه‌وسه‌ن سه‌لیم لێپرسراوی رێکخراوی ژنانی په‌نابه‌رانی کوردستان له‌ به‌ریتانیا} - {گونا سه‌عید - رێکخراوی ژنانی په‌نابه‌رانی کوردستان له‌ به‌ریتانیا} - {سورمه‌ حه‌مید -رێکخراوی فریاگوزاری ژنان} - {خاوه‌ر سالح نه‌ژاد} - {فروخ عه‌بدولئیلاهی} - {میدیا خه‌لیل} - {به‌یان ئه‌مین} - {فرمیسک عه‌بدولئیلاهی} - {پایزه‌ ئه‌حمه‌د - نیان ئه‌حمه‌د - ڤیان حه‌سه‌ن - تامان کوردو - نیگا ئه‌حمه‌د - رێزان عه‌لی - کوردستان حه‌مه‌که‌ریم - شلێر ره‌شید - ناهیده‌ عیزه‌دین - لارا سواره‌ - هێشوو تایه‌ر- خه‌جیج تایه‌ر - نه‌سرین قادر - به‌هار محه‌مه‌د - ئایته‌ن غه‌زال - فاتیمه‌ ئه‌حمه‌د - ژیان موخلیس - له‌یلا خه‌له‌ف - له‌یلا محه‌مه‌د - ئیڤا رۆژئاوا - شه‌هره‌زاد چه‌تۆ - کۆمه‌ڵه‌‌ی ژنانی کورد هودرسفێلد / به‌ریتانیا}.

 

 فه‌رموو له‌سه‌ر ئه‌م لینکه‌ کرته‌ بکه‌ بۆ واژۆکردن بۆ لابردنی یاسای فره‌ژنی

http://www.petitiononline.com/gonasaed/petition-sign.html