٢١\٩\٢٠١٨
زەنگیانەی ئاویی.
- رستی
حەوتەم -

فەتاح حەسەن
تۆ و
مانگ.
گەر دەپرسیت
ئەمن جوانم یاوەکو مانگ ؟
درۆ بە زارمدا نایەت
تۆ دەبینم، مانگم لەبیر دەچێتەوە
مانگ دەبینم
ئەتۆم بەبیردێنێتەوە.
کێ دەڵێ.. کێ.
پێش ئەوەی مۆسیقایەك، تەواو بێ
پڕ بەدڵی خۆم سەما دەکەم،
دی خۆم ئاوێزانی، گۆرانییەك دەکەم
کە رۆحم ئاسودە دەکا..
کێ دەڵێ سبەی گوێبیستی
مۆسیقا و گۆرانی دەبم..کێ؟
رووبار.
ببمە دەریا
جۆگە
لە روبار یاخی دەبێ
روباریش لە من،
مەگەر ئەشکی خۆم
ببتە روبار و تێیبڕژێ..
لەشکری خەم.
سەرلەشکری سوپایەك بم
لە دنیادا سوپا نەبێ
شان بدات لە شانی
لەشکری خەم
هێرشم بۆ بێنێ،
پێویستم بە هاوڕێیەك دەبێ
سەر بخەمە سەر شانی و
پڕ بەدڵی خۆمبۆ خۆم بگریم.
پێکەنین.
نەفرەت لە من ..
چەند بەدفەڕم
پێکەنینی خۆم بەپولێك دەفرۆشم
تا لەتەك تۆدا بگرێم.
ئەتۆش .. ئا، ئەتۆش
پێکەنینت بەئەقڵم دێ
هەقی خۆتە .. ئەمن گێلم
کە ئەو سەودایە دەکەم
نەفرەت لە من.
کەنار دەریا.
ئێجگار ماندووم
پێویستم،
بە پشویەکی درێژە
لە کەنار دەریا نا
لەسەر سینەی تۆ.
___________________________________________
رستی
شەشەم:
www.emrro.com/zengiyaneyawiy6.htm
رستی
ێنجەم:
www.emrro.com/zengiyaneyawiy5.htm
رستی
چوارەم:
www.emrro.com/zengiyaneyawiy4.htm
رستی
سێیەم:
www.emrro.com/zengiyaneyawiy3.htm
رستی
دووەم:
www.emrro.com/zengiyaneyawiy2.htm
رستی یەکەم:
www.emrro.com/zengiyaneyawiy1.htm
دانیمارك
/ ڤالبی -
٢٠١٧
ماڵپەڕی فەتاح حەسەن
|