ئاگادارییه‌ک بۆ نووسه‌ر و رۆژنامه‌نووسه‌ ئازاده‌کان.

 

 

کێشه‌ی ئازادیی رۆژنامه‌گه‌ریی زۆر له‌وه‌ گه‌وره‌تره‌ که‌ هه‌ندێک رۆژنامه‌نووسی نێو بازنه‌ی ده‌سه‌ڵات یان ئالووده‌ بوو به‌ هه‌مان لۆژیکی ده‌سه‌ڵات له‌نێوخۆیان بۆ خۆده‌رخستن و په‌یداکردنی نان و پله‌وپایه‌‌ ده‌که‌ونه‌ شه‌ڕه‌چه‌قه‌ و سه‌روگێلاکی یه‌کتر ده‌شکێنن. بۆیه‌ ئێمه‌ وه‌ک ماڵپه‌ڕی ئه‌مڕۆ نامانه‌وێ کاتی خۆمان به‌و گه‌ڕه‌لاوژێ و ئاژاوه‌‌‌ ناڕۆژنامه‌گه‌رییه‌ به‌ فیڕۆ بده‌ین و له‌و باوه‌ڕه‌ش داین ده‌سه‌ڵاتی سه‌رکوتگه‌ری کوردستان به‌ به‌ناو به‌رهه‌لستکاره‌کانیشیه‌وه‌ هه‌رگیز به‌و شێوازه‌‌ ملکه‌چی ئازادیی رۆژنامه‌گه‌ریی نابن، ئێستا کاتی ئه‌وه‌ هاتووه‌ نووسه‌ران و رۆژنامه‌نووسانی ئازاد به‌ره‌ی خۆیان جودا بکه‌نه‌وه‌ له‌ به‌ره‌ی نووسه‌ر و رۆژنامه‌نووسه‌ ده‌رباره‌کان و به‌شداریی نه‌که‌ن له‌ میدیای ده‌سه‌ڵات و به‌کرێگیراوه‌کانیان که‌ ناویان له‌خۆ ناوه‌ میدیای  ئازاد و ئه‌هلی و چیدی له‌پێناو گوزه‌رانی رۆژانه ملکه‌چیان نه‌بن و به‌شدارییان نه‌که‌ن.. واته‌ رۆژنامه‌گه‌ریی ئازاد پێویستی به‌ که‌سی ئازاد و پێنووسی شۆڕشگێڕانه‌ هه‌یه‌ و به‌وه‌ نایه‌ته‌ دی که‌ تۆ له‌نێو ده‌زگاکانی ده‌سه‌ڵات سوودمه‌ند بی و له‌ په‌نایه‌کیشدا که‌ زۆر جار لایه‌نه‌کانی ده‌سه‌ڵات و به‌ناو به‌رهه‌لستکاره‌کان به‌هۆی ململانێی نێخۆی خۆیان و بۆ چه‌واشه‌کاریی ده‌رفه‌تێکت پێده‌ده‌ن که‌ بڵێی بۆ فلانه‌ رۆژنامه‌نوو‌ستان تیرۆرکرد یان سه‌روگێلاکتان شکاند یان زیندانتان کرد یان نانتان بڕی، ئاخه‌ر ئه‌وان بۆ ئه‌وه‌ نانت پێ ده‌ده‌ن تا ووشه‌کانت بفرۆشی و رووی ئه‌وانی پێ جوان بکه‌ی نه‌ک له‌ ووشکیی پاڵ‌ بده‌یه‌وه‌ و له‌ ته‌ڕییش بخۆی.  

 

 

ده‌سته‌ی به‌ڕێوه‌به‌ریی ئه‌مڕۆ

 - ٣\١١\٢٠٠٩ - له‌نده‌ن