٢٩\٩\٢٠١٠

به‌یاننامه‌ی پشتگیری ده‌سته‌ی گه‌نجانی پێشه‌نگ.

بۆ که‌مپینی (به‌رگریکردن له‌ ئازادی ڕاده‌ربڕین)،
بۆ ڕای گشتی کوردستان و جیهان،

له‌ژێر دروشمی ( ڕازی نابم به ‌ئازادی ته‌نها به‌ناو ئازادی بێ).

ئێمه‌ وه‌ک ده‌سته‌یه‌ک له‌ گه‌نجانی سه‌ربه‌خۆ که‌پێکهاتوین له‌ بۆچون و ڕای جیاواز کارده‌که‌ین له‌پێناوی خزمه‌تکردنی هاوڵاتیانی کوردستان بێ جیاوازی مه‌زهه‌ب وئایدۆلۆژیا هه‌وڵمانداوه‌ له‌هه‌ر هه‌ڵوێستێکی مرۆڤانه‌ جێپه‌نجه‌مان دیاربێ و بتوانین خزمه‌ت بگه‌یه‌نین به‌کۆمه‌ڵگا که‌ببێته‌ خزمه‌ت به‌گه‌لی کوردستان..

به‌ڕای ئێمه‌ که‌مپینی به‌رگریکردن له‌ ئازادی ڕاده‌ربڕین و پشتگیری کردن له‌ هه‌ڵوێستی کۆمپانیای وشه‌ ، پشتگیریه‌ له‌ پێنوسه‌ ئازاو ئازاده‌کان و خه‌ڵکی کوردستان به‌گشتی وڕۆژنامه‌نوسان و میدیا به‌تایبه‌تی، وه‌ده‌بێته‌ هه‌وڵدانێک بۆبه‌رزکردنه‌وه‌ی سه‌روه‌ری یاسا به‌سه‌رهه‌مو ئه‌م له‌مپه‌رانه‌ی که‌دێنه‌ سه‌ر ڕێگای دیموکراسی ‌‌وئازادی ڕاده‌ربڕین ، ئه‌مه‌ش دیاره‌دژ ‌به‌به‌رژه‌وه‌ندی کۆمه‌ڵگاو به‌پێچه‌وانه‌وه‌ به‌قازانجی چه‌ند که‌سێک ولایه‌نێک بووه،..

بۆیه‌ له‌مڕۆدا پێویستمان زیاتر به‌هۆشیارکردنه‌وه هه‌یه‌ له‌بواری ڕاده‌ربڕین وده‌بێت مرۆڤ به‌ئازادی ڕای خۆی بڵێت و داواش له‌هه‌موو لایه‌نه‌کان وڕێکخراوه‌ مه‌ده‌نیه‌کانی کوردستان و ده‌ره‌وه‌ ده‌که‌ین که‌ چه‌مکی ئازادی ودیموکراسیان کردۆته‌ دروشم وڕۆژانه‌ به‌به‌رچاوی که‌ناڵه‌کانی ڕاگه‌یاندن پیشانی کوردستان وجیهانی ده‌ده‌ن ئه‌مه‌ بکه‌نه‌ بواری پراکتیکییه‌وه‌ و له‌هه‌رشوێنێک پێویست به‌هه‌ڵوێست وه‌رگرتن بو له‌کاتی خۆیدا وه‌ڵام بدرێته‌وه‌، چونکه‌ چه‌مکی دیموکراسی وئه‌زمونی چه‌ندساڵه‌ی وڵاتان ئه‌مه‌مان بۆدوپاتده‌که‌نه‌‌وه‌، بۆیه‌ داواده‌که‌ین له‌ هه‌موو تاکێکی کورد‌ و به‌هه‌مو چین و توێژه‌کانه‌وه‌ که‌پشتگیری له‌م که‌مپینه‌ بکه‌ن، بۆ ئه‌وه‌ی هه‌مومان به‌ئازادی بدوێین.

له‌کۆتایدا ده‌ڵێین:

ئازادی را ده‌ربڕینه‌، نه‌ک ده‌ربڕین به رای ئه‌و بێ
تاریکی چۆن ڕووناک ده‌بێت گه‌ر مۆم دیلی ده‌ستی شه‌وبێ.

راگه‌یاندنی ده‌سته‌ی گه‌نجانی پێشه‌نگ ‌
28\9\2010