|
جیابوونەوەى
کوردستان و پیکهێنانى دەوڵه‌تى
سەربەخۆ
زامنى ئاسایشى
یەکجارەکیە بۆ خەڵکى کوردستان.
کاروان نه‌جمه‌دین
هەرجارە بەبیانویەک دەوڵەتە کۆنەپەرستەکانى ناوچەکە ژیان لە بەشێک
لەخەڵکى بێ گوناهو مەدەنى کوردستان دەکەنە مەیدانى شەڕ و تۆپباران و
دوچارى ئاوارەیى و مەرگ و ژیانى کارەسات باریان دەکەن ، ڕۆژێک جمهورى
ئیسلامى ئیران تۆپبارانى خەڵکى دانیشتوى نزیک سنورەکان دەکات و ڕۆژێک
حکومەتى تورکیا و هەریەکەیان بۆ بەدەستهێنانى بەردەوەندى سیاسى خۆیان
گیان و ژیان و سامانى خەڵکى ستەمدیدەى کوردستان دەکەنە ئامانجى تۆپ و
موشەکە کانیان ، ئەمە ترس و دڵەڕاوکێى خەڵکى لەسەربێت لەبەرانبەر سوپا
و ناسیونالزمى دەسەڵاتدار لە بەغداد کە بۆ یکلاکلادنەوەى کێشە لەسەر (
ناوچەکێشەدارەکان ) زرێپۆش و سوپا دەخەنە کار ، تا ترس و دڵەڕاوکێى
خەڵک لە سوپاى عیراقى کەمێک دادەمرکێتەوە تۆپخانەکانى جمهورى ئیسلامى
ئیران لەلایەکى دیکەوە دەکەونەوەکار و بەدوائەودا کۆپتەرو جەندرمە و
موشەکى تورکیا ژیان لە خەڵکى نزیک سنورەکان دەکەنە دۆزخ ، دەسەڵات
داران چى لە بەغدا و چى لە کوردستان نەک تواناى بەرگرتن بەم هێرشانەیان
نیە بەڵکو هەمیشە بێدەنگیان هەڵبژاردوە و تەنانەت خەریکن بەبیانوى شەڕى
پەکەکەوە شەرعیەت دەدەن بە کوشتار و ئاوارەیى خەڵک لەلایەن دەوڵەتى
تورکیاوە ، کە ئەمەش دەگەڕێتەوە بۆ ئاڵۆزى وەزعى عیراق و لەم نێوەشدا
دەوڵتە کۆنەپەرستەکانى ناوچەکە کوردستان وەک بەشێک لەعیراق لەپێناو
مەرامە ڕەشەکانیاندا بەکار دەهێنن وە زەرەر مەندى سەرەکیش خەڵکى
زەحمەتکێش و بێ گوناهى کوردستانن ، سەرەڕاى ئەمانە بەلەبرچاوگرتنى
پێکهاتە و عەقڵیەتى ناسیۆنالستى و عەشایرى حکومەتى عیراقى خەڵکى
کوردستان لەچاوەڕوانى بێمافى و نائەمنیەکى دیکەدا ڕاگیراوە کە تەجرەبەى
ئەم چەند مانگەى ڕابردوو ئێستاشى لەسەربێت ناسیۆنالزمى عەرەب هەتا ئەو
بەشەش بۆ هاوپەیمانە ناسۆنالستە کوردەکانیان لە کوردستان بەکەم دەزانن
و ئەمەش شکستى ترحى فیدرالزمى بەڕۆشنى ڕاگەیاندوە .
تەنها ڕێگەیەک کە لەبەردم خەڵکى کوردستاندایە بۆئەوەى چى لە هەڕەشە و
هێرشەکانى دەوڵەتەکانى ناوچەکە ڕزگایان ببێت و جارێکى دیکەش نەبنە
سوتەمەنى ناسیۆنالزمى دەسەڵاتدار لەعیراق جیابونەوەى کوردستان و
پێکهێنانى دەوڵتى سەربەخۆیە ، لە ڕێگەى ڕیفراندمێکى گشتیەوە .
ئەوکات ئەمنیەت و ئاسایشى خەڵکى کوردستانیش لەئەستۆى لایەنە
نێودەوڵەتیەکاندایە و ئەمەش زامنى ئاسایشى یەکجارەکیە بۆ خەڵکى
کوردستان لەبەرانبەر پەلامارى ملهوڕانەى دەوڵەتەکانى ناوچەکەدا .
سەرەڕاى ئەوەى کە سەربەخۆیى ڕێگاچارەیەکى واقعى و لەهەهەمانکاتدا
خواستى زۆرینەى خەڵکى کوردستانە ، لە لایەکى دیکەوە موخالفینى ئەم
خواستە ئەمڕ لە هەمووکات زیاتر شکستى تەرحەکانیان دیارى داوە ، هەرچى
ئەو قەوانە سواوانەشە کە هەمیشە بۆ پاساوهێنانەوەى دژایەتیان لەگەڵ
خواستى سەربەخۆیى "ترسى دەوڵەتەکانى ناوچەکەو هەلومەرجى سیاسى دنیا"
لێدەدەنەوە لە هاتنە مەیدانى جەماوەرى فراوانى کوردستان لەکار دەکەون ،
چونکە تەنها ڕێگە بۆ بەدەستهێنانى سەربەخۆیى و ئاسایشى یەکجارەکى هاتنە
مەیدانى خودى خەڵکى کوردستانە ، تەنها ئیرادەى ئەوانیش دەتوانێت
بەربگرێت هەڕەشەى دەوڵتە کۆنەپەرستەکانى ناوچەکە و ، قانع کردنى
کومەڵگاى نێودەوڵەتى بەخواستێک کە هەر ئەمڕۆ ئیمکانى هەیە بەڵام هەتنە
مەیدان و ئیرادەى پێویستە .
karwanmj@yahoo.com
|
