٥\٢\٢٠١١

داوا له‌ رۆژنامه‌نووس و رێکخراو و پارته‌‌کان ده‌که‌ین

به‌شداریی له‌ مه‌راسیمی یادی دامه‌زراندنی کۆماری ئیسلامی ئێران نه‌که‌ن.

له‌ کاتێکدا رۆژانه‌ کۆماری ئیسلامی ئێران رۆڵه‌کانی گه‌له‌که‌مان له‌ سێداره‌ ده‌دات ، 32 ساڵیشه‌ ئه‌م کۆماره‌ تاوانکاره‌ له‌ کوشت و بڕو تاوان ، سێداره‌ و تاڵان ، بێ مافی و داسه‌پاندنی ره‌شترین ده‌سه‌ڵات زیاتری پێ نه‌بووه‌ بۆ رۆڵه‌کانی گه‌له‌که‌مان ، که‌چی به‌ نیازه‌ له‌ شاری هه‌ولێر ،له‌ به‌رواری 11-2 یادی 32 ساڵه‌ی 22 به‌همه‌ن بکه‌نه‌وه‌ به‌ ئاماده‌ بوونی نوێنه‌ری پارت و لایه‌نه‌ سیاسییه‌کان کوردستان ، هاوکات هه‌ر به‌و بۆنه‌یه‌وه‌ 33 رۆژنامه‌نووس بانگهێشت ده‌که‌ن بۆ ئێران ، ئێمه‌ پێمان وایه‌ :

1- هه‌ر پارتێکی سیاسی به‌شداری له‌و یاده‌ بکات ، مانای هاوبه‌شه‌ له‌ سێداره‌دانی لاوانی کورده‌ .
2- هه‌ر رۆژنامه‌نووسێک به‌شداری له‌و شانده‌ بکات جیاوازی له‌ گه‌ڵ جاش قه‌ڵه‌مه‌کان و فایلداره‌کان و سیخوڕه‌کان نییه‌ ، ئه‌وانه‌ که‌سانێکن هیچ ئیلتیزامێکی ئه‌خلاقیان به‌رامبه‌ر به‌ نه‌ته‌وه‌که‌یان نییه‌ .

بۆیه‌ لێره‌وه‌ داوای بایکۆتکردن له‌ هه‌موو لایه‌ک ده‌که‌ین ،هیوادارین هیچ که‌س و لایه‌نێک نه‌که‌ونه‌ ئه‌و هه‌ڵه‌یه‌وه‌ .

بۆ ریسواکردن و نه‌هێشتنی به‌شداری له‌ مه‌راسیمی یادی دامه‌زراندنی کۆماری ئیسلامی ئێران هه‌ڵوێستتان به‌ نووسین و په‌یام و به‌یاننامه‌ و کامپین و بروسکه‌ی پشتگیری بۆمان بنێرن:

چاودێری کوردۆساید - چاک
کۆمه‌ڵه‌ی لاوانی نه‌ته‌وه‌یی ئه‌ی ره‌قیب
ستاڤی گۆڤاری ئێوه‌
ناوه‌ندی ئاینده‌ بۆ پرسه‌کانی گه‌نج
رێکخراوی رێگا بۆ پرسه‌ نیشتیمانیه‌کان
گۆڤاری ئیسرائیل کورد
ستاڤی رۆژنامه‌ی پردێی ئازاد
ستاڤی گۆڤاری وێران

kempin21@gmail.com