الاتحاد العام اللاجئين العراقيين

فیدراسیۆنى سەراسەرى پەنابەرانى عیراقى  ،  هەر جۆرە پەلاماردان و دەستدرێژی و

له‌شکرکێشی‌یەکى حکومەتی تورکیا بۆ سەر خەڵکی کوردستان سەرکۆنەو مه‌حکوم دەکات.

  دۆینێ بە ناوی پاراستنی تورکمانەکانی کەرکوک و ئەمرۆ بە ناوی پاراستنی ئەمنیتی قەومی تورکیاوە، جارێکی تر کاربەدەستانى دەوڵەتی سۆڤینستی تورکیا  بەبەهانەی چالاکی پەکەکەوە کەوتۆتە تەبلیغاتی جەنگی و لەشکرکێشی سەربازی و خەریکە زەمینەى پەلاماردانێکى بەربڵاوى سەربازى بۆسەر ناوچەکانی کوردستانی عیراق بەرى دەخات، کەبێشک بۆتە مایەی سەرگەردانی و ئاوارەی گوندەکانی سەرسنوری کوردستان .

دەوڵەتی فاشستی تورکیا بەخاتری راگرتنی هاوسەنگی سیاسی خۆی و دەخاڵەتی لە بارودۆخی سیاسی عیراقدا ئامادەیە دەست لەهیچ تاوان و کوشتارێک نەپارێزێ وژیانى ئێستاو داهاتووى خەڵکى کوردستان بۆبەرژەوەندىیە گلاوەکانى خۆى بخاتە بەردەم سیناریۆیەکى تاریک و بیدەرەتانییەوە. ئەمەش زەنگێکی خەتەرەو ئایندەی کوردستان لەبەردەم پێشهاتنى بارودۆخێکی نالەبارو پرمەترسی و دەربەدەری دا رادەگرێ، کەلە هەر ئینسانێکى ئازادیخواز ورێکخراوە ئینسان دۆستو حزب و ولایەنەکان و پشتیوانی نیو دەوڵەتی دەخوازێ کەراستەوخۆ ولەئاستیکى فراواندا دژ بەم هێرش و دەستدریژیانەی  دەولەتی تورکیا   خەبەرداربکرێن و رابوەستنەوە .

فیدراسیۆنی سەراسەری پەنابەرانی عیراقی ئەم هەڵوێستە شەرخوازانەیەى دەوڵەتی تورکیا بەتوندی ئیدانەو محکوم دەکات و بەو پەری تواناوە لەکەناری خەڵکی کوردستان وپاراستنی بەرژەوەندیەکان و داهاتوویەکی ئینسانی بۆ خەڵکی کوردستان رادەوستێ .

هاوکات داوا لەتەواوی رێکخراوەکانی مافی مرۆڤ و رێکخراوە ئینسان دۆست و حزب و لایەنە سیاسی وپەرلەمانتارەکانی ئەوروپا و خەڵکی ئازادی خوازی دنیا دەکات فشار بهێنن بۆ راگرتنی دەست بەجێ لەشکرکێشی وهەرەشەکردن و تۆپ بارانکردنی دەوڵەتی تورکیا بۆ سەرخەڵکی کوردستان و ناکام کردنەوەى ئەم سیاسەتە دژى ئینسانیە ..

سکرتارێتی فیدراسیۆنی سەراسەری پەنابەرانی عیراقی

17-10-2007

_______________________________________________

POBOX1575،ILFORD IG1 3BZ ،LONDON،UK  Tel:0044 7856032991   00447895636633،0041787557786،004799387599،

ifir2007@yahoo.com       d.jamal@ntlworld.com      www.csdiraq.com