|
|
|
گیان لهدهستدانی بهرکهوتووانی کیمیابارانی (ههڵهبجه)
ئازارێکی زیندوو لهجهستهی دهسهڵاتێکی خهوتوودا.
هیدایهت مهلا عهلی
15/6/200 (حهمهئهمین ساڵح ) یهکێکیتر لهبهرکهوتووانی کیمیابارانی ( ههڵهبجه ) گیانی لهدهستداو بوویه قوربانی بێدهربهستی دهسهڵات و ژێرپێ خستنی سهرهتایترین مافی ئینسان له پاراستنی تهندروستی و مانهوهی فیزیکی وهک مافی ژیان ، ( حهمهئهمین ساڵح ) یهکهم قوربانی و یهکهم کهس نیه له بهرکهوتووانی چهکی کیمیاوی گیان له دهست بدات له ( ههڵهبجه ) ، تهنها لهساڵی ( 2000 دا) و تاکو ئێستا ( 51 ) کهس له بهرکهوتووانی چهکی کیمیاوی گیانیان لهدهستداوهو بوونهته قوربانی ، ئهبێت ههموومان بپرسین كێ بهرپرسه له پاراستن و چارهسهرکردنی برین و ئازارهکانی ئهم ئینسانانه ؟ ئهبێت ههموومان بپرسین دهسهڵاتدارانی کوردوستان کاتێک داهاتی کۆمهڵگایان لهبهردهستدایه بۆچی ئاوڕێک لهم قوربانیانه نادهنهوه ؟ دهسهڵاتدارانی کوردوستان کاتێک ئاوڕ له بهرکهوتووانی چهکی کیمیاوی نادهنهوه کێشهکهیان ههرگیز کهمی ئیمکانیات و سنورداربوونی ئابوری حکومهت نیه ، دهسهڵاتداران پارهو داهات و سهرچاوهیهکی گهورهی قازانج و خهزێنهیهکی لهبن نههاتوویان له ژێر دهستدایه، بودجهیهکی خهیاڵی ( شهش تریلیۆن و حهوت سهدو حهفتاملیارو سێسهدو حهفتاو نۆملیۆن و دووسهد و چل ههزار دینار ) فرۆشتنی نهوت به قاچاخ ، باج و گومرگ ، دهیان کۆمپانیاو شهریکهی بازرگانی ، چهندین باڵهخانهی بهرز و سیتی و گوندی میونخ و شاری خهونهکان ، سهدان پرۆژه نهکهس ئهزانێ خاوهنهکهی کێیهو نهکهس ئهزانێ داهاتهکهی بۆ کوێ دهچێت ، سهرهڕای ئهوهی بهگشتی ژیانی خهڵکی ( ههڵهبجه ) مهرگهساتێکه و قابیلی قبوڵ نیه ، بهڵام گیان لهدهستدانی بهرکهوتووانی چهکی کیمیاوی تاوانێکه بههیچ شتێک پهردهپۆش ناکرێت ، ئاخر دهسهڵاتێک نهتوانێت ژیانی خهڵک له مردن بپارێزێت ، ئاخر دهسهڵاتێک نهتوانێت پاراستنی باری تهندروستی خهڵک له ئهولهویهتی کارهکانی خۆی دابنێت ، ئهبێت خهڵک چ چاوهڕوانییهکی لهم دهسهڵاته بکرێت ، ئهگهر ( یهکێتی و پارتی ) ههموو ڕۆژێک بانگهوازی ئهوه دهکهن که ههرچی دهکهن بۆ بهرژهوهندی خهڵکی کوردوستانه ، چی لهو بانگهوازه بێ ناوهڕۆکتره کاتێک بهرکهوتووانی چهکی کیمیاوی له ( ههڵهبجه ) سهرهیان بۆ مهرگ گرتووه ، دهسهڵاتێک ئینسان لهمهرگ نهپارێزێت ههرگیز ناتوانێت پاروه نانێک بخاته سهر سفرهیان ، دهسهڵاتێک لهتاو پڕ کردنی تورهکهکانیان خۆیان پاره ، تورهکهی سییه وشکههڵهاتووهکانی ( مامۆستا کامیل ) ی له ( ههڵهبجه ) بیرچووبێتهوه ، ئهبێت پهیوهندی نێوان خهڵکی مهحرومی ( ههڵهبجه ) و ئهم دهسهڵاته چ قڵشتێکی لهنێواندا بێت ، دهسهڵاتدارانی کوردوستان ئهمڕۆ ( کۆنگره ، کۆنفراس ، ڤیستیڤاڵ بۆ عێل و عهشرهت و خێڵ و تایفه ، بڕینهوهی بودجه بۆ خانهقا ، پێدانی بهرپرسیاریهتی به پیاو ماقوڵان ) هتد... ئهمانهیان بۆ گرنگه چونکه چارهنووسیان پێوهی بهنده ، نهک گێڕانهوی ئومێدی ژیان بۆ بهرکهوتووانی چهکی کیمیاوی له ( ههڵهبجه ) و ژیانی دانیشتووانهکهی ، خهڵکی ( ههڵهبجه ) مافی خۆیهتی بپرسێت و یهخهی ( تاڵهبانی ، بهرزانی ، نێچیرهڤان ، بهرههم ساڵح ، کۆڵن پاوڵ ، پۆل برێمهر ) و دهیان لهو کهسانه بگرێت کهدههاتن و بهڵێنی ڕهنگاوڕهنگیان پێدهدان و سوێندیان به قوربانیهکانیان دهخواردو خۆڵیان دهکرده چاویان ، خهڵکی ( ههڵهبجه ) ئهبێت بزانێت ژیانێکی ئینسانی و ئارام ، چارهسهری بهرکهوتووانی چهکی کیمیاوی و حیساب کردنیان وهک ئینسان ، بهچاوهڕوانی و مهرحهمهتی دهسهڵات و حکومهتهکهی ( یهکێتی و پارتی ) ههرگیز نابینرێت ، خهڵکی ( ههڵهبجه ) دهبێت ماف و خواستهکانیان بهسهر دهسهڵاتداراندا بسهپێنن ، دهبێت ڕیزهکانیان یهکبخهن و نوێنهری ڕاستهقینهی خۆیان دیاری بکهن ، دهبێت ڕۆژانه یهخهی دهسهڵات بگرن و بهشێوهی جۆراو جۆر ناڕهزایهتی ئهنجام بدهن ، تهنها وهسیلهی ساڕێژ کردنی برینی بهرکهوتووانی چهکی کیمیاوی و باشتر بوونی ژیانی خهڵکی ( ههڵهبجه ) نواندنی ئیرادهی ڕاستهقینهی جهماوهر و یهک ههڵوێستیانه بۆ بهدهست هێنانی مافهکانیان .
17 / 6 / 2008
|
