|
په‌خشان.
نه‌هرۆَعاڵلایی
ئهى په‌مبه‌تر
له خه‌یاڵى رۆمانسیانه‌ى ته‌نیایى .
من كه كۆلانه‌كانى ئه‌ندێشه‌‌م ته‌یده‌كرد ، بۆ ئه‌وه‌بوو
ئێواره‌یه‌ك له ده‌رگاى شیعرێکه‌‌وه سلاَو له گوڵه‌ناسكه‌كانى ویستت
بكه‌م و
هه‌موو وه‌رزه‌كانى ساڵى ته‌مه‌نت له نامه‌یه‌كى جوانى پڕ ِله
هه‌نگاو بنووسمه‌وه ...
من چی له‌و رۆژه سووتێنه‌‌رانه‌ى به‌یه‌كه‌وه‌بوون بكه‌م كه له
سیمات گه‌ردوونێک له هیوا و ئاوێزانبوون ده‌ڕِژانه نێو نیگاكانه‌وه
.
کچێ ئهى شاره‌زا به هه‌موو هه‌نجه‌ته‌كانى گریانم ،
خۆ تۆ له‌وه دڵنیاتر بووی منى وێرانبوو ناشێم سپیَده‌یه‌ك
بێ رۆژباشى په‌پووله بژیم و به‌رگه‌ى ئه‌وه ناگرم به‌دیار وه‌رینى
گه‌لاَزه‌رده‌كانى دره‌ختێک بوه‌ستم ،
ئیدى بۆچى نۆته‌ى غه‌ریبترین دابڕانت پێ نووسیمه‌وه ؟
بۆچى روحمت خسته نێو سه‌خترین جانتاى دۆڕِان و خوداحافیزیت له
له‌تله‌تبوونم كرد ؟
پپێم ووتى دڵى چاوگه‌ى هه‌میشه‌ییمت ماچ ده‌كه‌م مه‌هێڵه ته‌وژمى
ته‌رزه‌ى فیراق دابكاته کێڵگه‌‌ى دڵم ،
نه‌بادا گوڵه گه‌نمه‌كانى تۆویستنم لاربێته‌‌وه .
پێم ووتى چاوى هه‌میشه پڕِ له جادووت رِاده‌مووسم له خه‌وه
ئه‌رخه‌وانیه‌كانى
پیَكه‌وه‌بوون
رِاممه‌چڵه‌كیَنه .
پێم ووتى و هه‌ر پێم ووتى ، وه‌لىَ چی‌بکه‌‌م نه شه‌پۆَڵه سه‌ر
شێته‌كانى هاوارم توانى رێ به كۆچى نه‌ویستت بگرێ ،
نه تۆش توانیت هه‌لهه‌له‌كانى ساتى مه‌رگى لێکترازان كپ كه‌ى . ئاخر تۆ
نه
چركه‌ساتى
خه‌وێکی خۆش بووى ببڕێیته‌‌وه ،
نه به‌هارى خه‌وێکی خۆش بووى بڵێم رِه‌شه‌باى ناوه‌ختى هه‌ڵوه‌رینى
خه‌زان هاتوو
به‌به‌رچاومه‌وه گه‌ڵاكانى چه‌شنى عومرى به‌هه‌ده‌رچووم بردى .
تۆ مژده‌ى ئایینێکی تازه بووى ،
به‌ر له هه‌چ كه‌س من ئایه‌ته‌كانتم كرد به گۆرانییه‌كى جاویدان و بۆ
هه‌میشه بۆ كۆماره وێرانه‌كه‌ى دڵى خۆم ده‌م وته‌وه .
به‌ڵام گۆرانییه‌كى بریندار .......
nehroallaey@yahoo.com
|
