|
|
|
ئیدانه‌کردنی کوشتنی نه‌هله حسه‌ین ئه‌رکی هه‌موولايه‌كمانه.
به داخێکی زۆره‌وه ڕۆژ به ڕۆژ ده‌ستی ڕه‌شی تیرۆ و کوشتنی دڕندانه له کوردستان و به تایبه‌تی له شاری که‌رکوکی هه‌میشه برینداردا ده‌رده‌که‌وێت.
ئه‌مڕۆ به گوێره‌ی ڕاگه‌یاندنه‌کان و پشتراستکردنه‌وه‌ی ته‌له‌فزیونی ئازادی ( نه‌هله حسه‌ین )سه‌رۆکی کۆمه‌ڵه‌ی ئافره‌تان سه‌ر به حیزبی شیوعی کوردستان له ماڵه‌که‌ی خۆیدا کوژرا.
ناوه‌ندی چاک، زۆر به توندی ئه‌م کاره قێزه‌ونه ئیدانه و مه‌حکوم ده‌که‌ین و داوای دۆزینه‌وه‌ی ده‌ستبه‌جێی بکوژی (نه‌هله حسه‌ین) ده كه ین وئه مه ش به‌ئه‌ر‌‌كی ده‌زگاكانی ئاسایش و پۆلیس ولایه‌نه به‌رپرس‌و په‌یوه‌ندیداره‌كان ده‌زانین له شاری كه‌ركودا.
نابێت بکوژی (نه‌هله حسه‌ین) هه‌مان چاره‌نوسی رۆژنامه‌نوس (سۆرانی مامه حه‌مه) ی هه‌بێت‌و دۆسێكه‌ی په‌رده‌پۆش بكرێت !! چونكه دلنیاین به‌گه‌رانه‌وه‌ی كه‌شی‌تیرۆرو تۆقاندن یه‌كه‌مین پێكهاته هه‌ر گه‌لی كورد ده‌بێ و كاریگه‌ری خراپی له‌سه‌ر ئاینده‌ی سیاسی ده‌بێت.
دلنیاین تیرۆریستان سه‌ر به هه‌رگروپ و ده‌سته‌و تاقمێک بن و به‌هه‌ربیانویه‌كه‌وه تیرۆرو ره‌شه‌كوژی بكه‌ن، سه‌رئه‌نجام هه‌ربه‌چۆكدادین و له‌به‌رده‌م ئیراده‌ی پێشكه‌وتنخوازی‌‌و یه‌کسانیی ژن و پیاودا شه‌رمه‌زارده‌بن.
بێگومان هاتنه مه‌یدان و ئیدانه‌كردنی ئه‌م کاره تیرۆرستیه‌ش، ئه‌رکی هه‌موو ڕێکخراوه‌كان و هیزه پێشكه‌وتنخوازه‌كان و سه‌رجه‌م ڕێکخراوه و کۆمه‌ڵه مه‌ده‌نیه‌کانه!. له‌پێش هه‌موویانه‌وه ڕێکخراوه‌کانی تایبه‌ت به‌مافه‌كانی ژنان و مافی مرۆڤ له کوردستان، پێویسته به‌رپرسیارانه بێنه پێشه‌وه‌و فشاربخه‌نه سه‌ر حکومه‌تی ناوه‌ندی عێراق‌و حكومه‌تی کوردستان و ئیداره‌ی شاری که‌رکوک، بۆ بنه‌بڕکردنی کوشت وبری مرۆڤ‌و رێگه نه‌ده‌ن مرۆڤ به هیچ پاساوێك ژیانی لێبسه‌ندرێته‌وه.
ناوه‌ندی هه‌ڵه‌بجه دژ به ئه‌نفالکردن وجینۆسایدی گه‌لی کورد ـ چاک
|
