٦\٥\٢٠١٠

ئیدانەکردن و شەرمەزارکردنى تیرۆرکردنی رۆژنامەنووس(سەردەشت عوسمان).

رفاندنی رۆژنامەنووس(سەردەشت عوسمان) لە رۆژی 4-5-2010 لەبەردەم کۆلیژی زمانی زانکۆی سەڵاحەدین و لەناو جەرگەی پایتەختی هەرێمی کوردستان، هەموومانی لەناخەوە هەژاند. ئەوەی زیاتر ئێمەی لەناخەوە شڵەژاند و خەمباریکردین دۆزینەوەی تەرمی ناوبراو بوو لە رۆژی 6-5-2010 لەناوچەی موسڵ. شەهید کردنی هاوکارمان(سەردەشت عوسمان) کە بە ناوی(دەشتی عوسمان) ئاماژەیەکى ترى ترسناکە بۆ سەر ژیان و گیانى رۆژنامەنووسانى ئازاو بوێر، چونکە ئەم کارە قێزەونترین کاری تیرۆریستییە لەدوای شەهیدکردنی رۆژنامەنووس(سۆران مامە حەمە) لە کەرکووک.

رفاندنی رۆژنامەنووسێک لەناو پایتەختی هەرێم و دواتر بردنی بۆ ناوچەیەکی دەرەوەی هەرێمی کوردستان و شەهید کردنی جێگای پرسیارێکی گەورەیە، چونکە ئەوکارە لە تواناى کەسێک یان گروپێکى بچوکدا نییە، بۆیە پێمانوایە بە پلەی یەکەم حکومەتی هەرێم و هێزەکانی ئاسایشی هەرێم لێی بەرپرسیارن و دەبێت هەوڵى تەواو بدەن بۆ دۆزینەوەى ئەو دەستە رەشە، چونکە ئەرکی پاراستنی ئاسایشی رۆژنامەنووسان و تەواوی هاووڵاًتیان لە هەرێمی کوردستان لە ئەستۆی هێزەکانی پۆلیس و ئاسایشی هەرێمدایە. بۆیە پێویستە حکومەتی هەرێم بە جددی بەدواداچوون بۆ ئەو مەسەلەیە بکات، بەپێچەوانەوە بێدەنگە کردن و چاونوقاندن لە نەدۆزینەوەى بکوژەکان ، دەبێتە نەنگییەکی یەکجار گەورە بۆ ئاسایشی هەرێمی کوردستان، وەدەبێتە هۆیەکى گەورەش بۆ پاشەکشێکردن بە روتى ئازادى رۆژنامەگەرى و ملنان بەرەو دواوە.

ئێمە وەک کۆمەڵێک نووسەر و رۆژنامەنووسی هەرێمی کوردستان ، پێمانوایە رفاندن و هەڕەشەکردن لە رۆژنامەنووسان پێیناوەتەوە قۆناغێکی مەترسیدارەوە کە چیتر مایەی قبوڵکردن نییە و بێدەنگ نابین، بۆیە ئەگەر حکومەتی هەرێم و لایەنە پەیوەندیدارەکان خەمساری بکەن لە دۆزینەوەی ئەنجامدەرانی ئەم کارە تیرۆریستییە، ئێمە خۆپیشاندان ئەنجامدەدەین و شێوازی دیکەی مەدەنیانە دەگرینە بەر.

لێرەوە داوا لە سەرۆکایەتی هەرێم و پەرلەمانی کوردستان و ئەنجوومەنی وەزیران و (UN)و رێکخراوی (کۆمیتەی بەرگری لە رۆژنامەوانان) و (پەیامنێرانی بێسنوور) و (هیوامان رایتس وۆچ) و (خاچی سوری نێونەتەوەیی) و هەموو رێکخراوە مرۆڤدۆستەکان دەکەین کە بەدواداچوونی جددی بۆ ئەم مەسەلەی بکەن، بۆ دۆزینەوەی ئەنجامدەران و بەسزا گەیاندنیان.

ناوەکان:
1- ئاسۆس هەردی
2- ئەحمەد میرە
3- کەمال رەئوف
4- د.فەرهاد پیرباڵ
5- بەختیار سەعید
6- شوان محمد
7- عەدنان عوسمان
8- هەڵگورد سەمەد
9- چیمەن ساڵح
10- کاژاو جمال
11- ئازیز محمود
12- جەبار جمال غریب
13- رێبین رەسوڵ
14- هێمن مامەند
15- سمکۆ محەمەد
16- دیار عەزیز شەریف
17- ئیبراهیم عەلی
18- هێمن باقر
19- دەشتی سەباح
20- کامەران محمد
21- سامان مەجید
22- رێبین فەتاح
23- عومەر ستار
24- هەژار ئەنوەر
25- ئاوارە حەمید
26- کەمال چۆمانی
27- بارزان حەسەن
28- مەریوان مەلا حەسەن
29- بورهان قادر
30- سامان بەشارەتی
31- ئیبراهیم حەمەدڕمین
32- راماڵ رابوو
33- عیماد رەفعەت
34- د.مەغدید سەپان
35- سەڵاح مەزن
36- کاوە عبدالکریم
37- نەهرۆ عاڵایی
38- ئەڵماس محمد
39- شیلان یاسین
40- شوان تاڤینگ
41- شلێر باپیری
42- ساڵح قادر
43- بەختیار پاڵانی
44- نیاز عەبدوڵا
45- نزار گزالی
46- رەسوڵ سوڵتانی
47- شەوقی کانەبی
48- هێمن مەلازادە
49- ئارام قەرەداغی
50- هاوکاری حمد
51- ئەڵوەند حەمید
52- زانیار ئەسعەد
53- عیسا خدر
54- هەنگاو هاشم
55- سەرخێڵ هاشم
56- شەماڵ عەقراوی
57- لەنجە عەبدوڵڵا
58- هێمن کەریم مام رەش
59- ئاڤان فارس جاف
60- فەرهاد مەلا حەسەن
61- فەرمان سادق
62- وریا باقر
63- سامان فاروق
64- فەرهاد هیرانی
65- بێکەس حەمەد قادر
66- نامۆ عبدالله
67- نەبەز گۆران
68- بڕیار نامیق
69- بارام سوبحی