|
٢\٧\٢٠١٦
کورتە وەڵام!
کامیل ژیر
- ١ -
 - ھەواڵەکان: عادل موراد: باشترین رێگەچارە
بۆ کوردانی رۆژھەڵات و دەسڵاتی ئێران، دانیشتنە لەسەر مێزی گفتوگۆ.
- زۆر باشە، فەرمو ئەو دانیشتنەیان بۆ رێکخە، بەمەرجێ مێزەکە لەجٶری
ئەو مێزە نەبێ کە قاسملۆو شەرەفکەندیی لەسەر کوژران.
- ھەواڵەکان: ھەردو بەڕێز حاجی تۆفیق و حسەین زڕگوێزی، ٢ ملیۆن دۆلاری
شەکراوی دو منداڵەکەیان بەخشی بەنەخۆشخانەی ھیوا.
- خێریانبنوسێ. بائیتر ھەمو بوک و زاواکان وابکەن. ئەم خێرخوازییە،
ھەڵەیەکی مێژوییشی راستکردەوە: ئەو گوندەی خوار سلێمانی، بەھەڵە
پێیئەوترێ زڕگوێز، راستییەکەی ئاڵتونگوێزە.
- ھەواڵەکان: وەفدە شەش پەرلەمانیەکەی یەکێتی و گۆڕان لەبەغدا: گشتپرسی
ناکەین و سەربەخۆییمان ناوێ و لەعیراقی یەکگرتو جیانابینەوە.
- ئەی بۆچی منداڵی خەڵک بەکوشت ئەدەن؟
- ھەواڵەکان: وەفدەکە: ئامانجمان بەدەسخستنی مافەکانی کوردە لەبەغدا.
- گوریس بەیەکپارچەیی نەگەیشتەوە، ئێستا بە دو لەتی!؟ پێشتر بە ٦٥
کورسی ھیچنەکرا، ئێستە بە ٣٠!؟
- رۆژنامەی خەبات: شاندێکی ھەرێم سەردانی بەغدا دەکات.
- پێشبڕکێی کوڕنوشبردنە! ئەگەر بۆ پشکی ھەرێمە لەقەرزی نێو دەوڵەتی،
وەک ئەڵێن؟ وەفدە شەشنەفەریەکە! ھیچی ھەڵنەگڕان، ئێوە چی؟
- ھەواڵەکان: مالیکی و عەبادی و موتڵیگ و تورکومان پشتگیریی لە
رێکەوتنەکەی یەکێتی و گۆڕان ئەکەن.
- ھەربەوەدا بزانن چ رێکەوتنێکی گرنگە بۆ کورد!
- -کوردستانی نوێ: کوردەکانی قەفقاز وەک بەفر توانەوە.
- دوای بریارەکەی پارێزگار، کتێبێ بۆ کوردەکانی سلێمانیش بگرنەوە.
- خەبات: پارتی: ئەگەر یەکێتی و گۆڕانیش دەنگ بۆ سەبەخۆیی نەدەن، ئێمە
سەربەخۆیی ھەر رائەگەیەنین.
- دە رایگەیەنن، دڵمان شەقیبرد.
- خەبات: بارزانی: بۆ ریفراندۆم و سەربەخۆیی، ھەنگاوی یەکەم ئەوەیە
لەگەڵ بەغدا بکەوینە گفتوگۆی راشکاوانەو برایانە!.
- ئێ، ئێ!! کاتی خۆی کوردەکانی رۆژھەڵاتیش ئەیانوت: ئەگەر شا
رێگەمانبدا، ئێمەش شۆڕش ئەکەین!
٢٩\٦\٢٠١٦
ماڵپه‌ڕی کامیل ژیر
|
