''لەسەرچاوەیەکی باوەڕپێکراوەوە''

وەفیق سامەڕائی زیاتر لە دوو مانگە لە بەغدا نەبینراوە .

بەپێی سەرچاوەیەکی هەواڵی  باوەڕپێکراوی جێگای متمانە ،  نزیک لە شوێنی کاری وەفیق سامەڕائی لە کۆشکی کۆماری ،  بە ناوەندی چاکی ڕاگەیاند "  زیاتر لە 2 مانگە وەفیق سامەڕائی بەهیچ شێوەیەک لەسەر کارەکەی نەبینراوە وەک ڕاوێژکاری سەرۆک کۆمار بۆ کاروباری ئەمنی ، لەو کاتەوەی ناوی بۆ لێپرسینەوە لە دادگای باڵای تاوانەکان هاتووە لەسەر تاوانی ئەنفال بە تەواوی  شوێنبزر بووە ، هیچ هەواڵێک  لەبارەیەوە نازانرێت " .

سکاڵا تۆمارکردن لەسەر وەفیق سامەڕائی لە لایەن ناوەندی چاکەوەو  و بانگکردنی لە لایەن دادگای باڵاوە تێسرەواندنێکی گەورە ی سیاسی بوو لەم گومانلێکراوە  کەوت  ، بە تەواوی ئەم تاوانبارەی لە ژیانی سیاسی عێراق  دوور خستەوە ، پێی دەچێت ناوبراو  وەک نەزار خەزرەجی لە ترسی دادگاییکردن ، باقی  تەمەنی  لە خۆشاردنەوە لە دادگا بەرێتە سەر ، تاکو ڕۆژێک دەدۆزرێتەوە دەستی دادپەروەری پێی دەگات .

ئێمە جارێکی دیکە بە هەموو کوردستانیان ڕادەگەیەنین ،  داوا لەهەموو لایەکتان  دەکەین شوێن پێی تاوانباران هەڵبگرن و ناوەندی چاکیان  لێ ئاگادار بکەنەوە ، لە پێشیانەوە هەردوو جوتە تاوانباری ناسراو  وەفیق سامەڕائی و نەزار خەزرەجی ، پەیمانیش بە هەموو لایەک دەدەین  بەردەوام بە دوای تاوانبارانەوە بین  .

ناوەندی چاک

18-10-2007

www.chak.be

chak_org@yahoo.com

تێبینی : تەنها ئەم ئیمەیل و ماڵپەڕەمان هەیە .