١١\٢\٢٠١١

له‌ یادی دامه‌زراندنی کۆماری ئیسلامی ئێران

له‌ چه‌ندین وڵات خۆپیشاندان سازده‌کرێ،

له‌ هه‌ولێریش مه‌راسیمی یاداوه‌ریی بۆ رێکده‌خرێ.

رۆژی هه‌ینی ئه‌و رۆژه‌ ره‌شه‌یه‌ که‌ کۆماری په‌ت و سێداره‌ی گه‌یاند به‌ ده‌سه‌ڵات ، له‌و رۆژه‌ ره‌شه‌دا له‌ سه‌رتاسه‌ری جیهان نه‌فره‌ت له‌و چرکه‌ ساته‌ ده‌کرێت ئه‌م کۆماره‌ فاشیستییه‌ی گه‌یاند به‌ ده‌سه‌ڵات ، له‌ کاتێکدا گروپێک رۆژنامه‌ نووسی ویژدان فرۆش که‌ پێشتر ئاگاداریانمان کرده‌وه‌ ، له‌و یاده‌ له‌ ئێران به‌شداری ده‌که‌ن ، بڕیاریش وایه‌ رۆژی هه‌ینی به‌ به‌شداری لایه‌نه‌ سیاسیییه‌کان مه‌راسیمی یادی دامه‌زراندنی کۆماری ئیسلامی له‌ کوردستان به‌ رێوه‌ بچێت ، ئێمه‌ جارێکی دیمه‌ پرۆتستۆی هه‌ر لایه‌نێک ده‌که‌ین به‌شداری له‌و یاده‌ ڕه‌شه‌ و له‌و مه‌راسیمه‌ شه‌رمهێنه‌ره‌ بکات .

له‌ رۆژی هه‌ینی 11-2 ، له‌ یادی 32 ساڵه‌ی دامه‌زراندنی کۆماری ئیسلامی ئێراندا شورای هاوپشتی له‌ خه‌باتی گه‌لانی ئێران و شورای پشتیوانی له‌ خه‌باتی ئازادیخوازانه‌ی خه‌ڵک له‌ له‌نده‌ن و ستۆکهۆڵم بانگه‌وازی هه‌موو لایه‌ک ده‌که‌ن بۆ به‌شدار بوون له‌ خۆپیشاندان له‌ له‌نده‌ن و ستۆکهۆڵم دژ به‌ کۆماری ئیسلامی ئێران له‌ به‌رده‌م کۆنسوڵگه‌ری کۆماری ئیسلامی ئێران له‌و دوو شاره‌ رێکه‌ خرێت .له‌ شاری له‌نده‌ن کاتژمێر 5 بۆ 7ی ئێواره‌ و له‌ ستۆکهۆڵم له‌ کاتژمێر 12ی نیوه‌ڕۆ به‌ڕێوه‌ ده‌چێت.

پاریس:
به‌ پێی بانگه‌وازی هاوبه‌شی ئه‌نجومه‌نی دیفاع له‌ زیندانیانی سیاسی و عه‌قیده‌تی ئێران-پاریس، ئه‌نجومه‌نی کورده‌کانی دانیشتووی فه‌رانسه‌، هاوپشتی سوسیالیستی له‌گه‌ڵ کرێکارانی ئێران و یه‌کگرتووی نێونه‌ته‌وه‌یی له‌ پشتیوانی له‌ کرێکارانی ئێران-پاریس، خۆپیشاندانێک له‌ شاری پاریس به‌رێوه‌ ده‌چێت.
خۆپیشاندانی پاریس له‌ رۆژی شه‌ممه‌ 12-2-2011 له‌ کاتژمێری ١٩ تا ٢١ له‌ مه‌یدانی "سێن میشل"ی شاری پاریس ئه‌نجام ده‌درێت .

سویسرا:
له‌ وڵاتی سویسراش به‌ ده‌ستپێشخه‌ری حیزبی دیموکراتی کوردستان ، 32 ساڵه‌ی کۆماری ئیسلامی ئێران شه‌رمه‌زار ده‌کرێت:
رۆژی شه‌‌مه‌‌ رێکه‌‌وتی 12.2.2011 له‌‌ساعه‌‌ت 2 تا 4 له‌‌هه‌‌لۆێتیا پڵاتز له‌‌شاری بێرن له‌‌نیزیک
ئیسگای قه‌‌تار بۆ ده‌‌ربرینی ناره‌‌زایه‌‌تی به‌‌دژی ئێعدام وسێ داره‌‌ ‌‌ی رژزیمی جه‌نایه‌‌تکاری کۆمار ئاماده‌‌بن.

نه‌رویج:
له‌ نه‌رویجیش کۆماری ئیسلامی له‌ یادی 32 ساڵه‌ی دامه‌زرانیدا رسوا کرا ، خۆپیشاندانه‌که‌ به‌ ده‌ستپێشخه‌ری جیزبی دیموکراتی کوردستان به‌ڕێوه‌ چوو :
رۆژی: سێ‌شەممە ٢٠١١.٠٢.٠٨
کاتژمێر: ١٥ بۆ ١٧
شوێن دەستپێکی خۆپیشاندان :
Oslo Sentralstasjon postkontor، Jernbanetorget 1، 0154 Oslo دەبێ.

نه‌مسا:
شاری ڤیه‌نا ، رۆژی هه‌ینی 11-2-2011 ، کۆبونه‌وه‌ له‌ به‌رده‌م ئۆپێرای ڤیه‌نا ، له‌وێوه‌ بۆ به‌رده‌م لانه‌ی جاسوسی ئێران .

چاودێری کوردۆساید - چاک
www.kurdocide.com
kurdocide@hotmail.com