نۆژه‌ن

                                                                                                                            پایزه‌ ئه‌حمه‌د

له‌ نۆژه‌نڕا

خه‌مه‌کان باڵ به‌سه‌ر

ئاسمان داده‌کێشن

ده‌بن به‌ په‌له‌ هه‌ور و

تنۆک.. تنۆک، به‌سه‌ر

گیانه‌ بێگه‌رده‌کان هه‌ڵده‌وه‌رێن..

هه‌ڵوه‌رینیش ، هێدی.. هێدی

ده‌بن به‌ لێزمه‌ و

به‌ره‌و ده‌ریای هار و هاج ،

گیانداره‌ ئاوییه‌کان ده‌شڵه‌ژێن

ماسیه‌ سه‌رلێشێواوه‌کان

گێژلوولکه‌ ئاسا خول‌ده‌خۆن و

به‌ره‌و ووشکایی هه‌نگاو ده‌نێن..

باڵنده‌کانیش لق به‌ لق و

کێو به‌ کێو کۆچ ده‌که‌ن

تا نه‌که‌ونه به‌ر ئه‌و لێزمه‌یه‌ و

ده‌ریای هار و هاج رایاننه‌پێچێ ...

سه‌ره‌نجام هه‌ر شتێک .. داده‌ورێته‌وه؛

داورانه‌وه‌یه‌ک

له‌بێهوده‌یی بێهووده‌تر .

به‌ریتانیا