سکاڵا .

پایزه‌ ئه‌حمه‌د

بارگه‌ت تێکنا و

   بێ ماڵاوا .. ده‌رگات داخست ..

له‌و رۆژه‌وه‌ من بێ‌ئاگام .

گوناهی من بوو

   که‌چی ئێستا ترووسکه‌یه‌کیش شک‌نابه‌م..

ته‌نیا و ته‌نیا

          په‌نا بۆ یادگارییه‌کانت ده‌به‌م.

یادگارییه‌کان ده‌بنه‌ په‌ڵه‌هه‌ورێک و

     له‌ یه‌ک کاتدا دێن و ده‌ڕۆن..

جارێک له‌ گه‌رمه‌ی خه‌ومدا ‌

جارێکی‌تر له‌ شیرنه‌خه‌و

              واگامدێنن ،

زۆرجار ده‌بنه‌ لێزمه‌ی باران

            سه‌رتاپای گیانم ته‌ڕده‌که‌ن..

هه‌ر ئه‌و ته‌ڕبوونی گیانانه‌ش

نه‌خته‌.. نه‌خته‌، داری ته‌مه‌نم ئاوده‌ده‌ن ،

هه‌ندێ جاریش

              یادگارییه‌کان ده‌متوێننه‌وه..

له‌وکاتانه‌ی ده‌توێمه‌وه‌

   هه‌رگیزاو هه‌رگیز نامه‌وێ زیندووبمه‌وه‌..

   زیندووبوونه‌وه‌ برینێکه‌ و سارێژ نابێ .

ده‌وه‌ره‌و

ده‌رفه‌تێکی‌ترم بدێ و لێم‌تێبگه‌

                    جا ماڵاوا..

تامنیش ته‌نیا بۆجارێک

       ته‌نیا جارێک بڵێم :

دوێنێ .. که‌سێک .. هه‌بوو .. خۆشم .. ده‌ویست .

‌